സ്വകാര്യ ആശുപത്രിയില് ഉപേക്ഷിച്ച് പോയ മൂന്നാഴ്ച മാത്രം പ്രായമായ നവജാത ശിശു ഇനി കേരളത്തിന്റെ മകള്.
കൊച്ചി: ജാര്ഖണ്ഡ് സ്വദേശികള് സ്വകാര്യ ആശുപത്രിയില് ഉപേക്ഷിച്ച് പോയ മൂന്നാഴ്ച മാത്രം പ്രായമായ നവജാത ശിശു ഇനി കേരളത്തിന്റെ മകള്. കുഞ്ഞിന്റെ ചികിത്സയും സംരക്ഷണവും സര്ക്കാര് ഏറ്റെടുത്തു. ലൂര്ദ്ദ് ആശുപത്രിയില് നിന്നും എറണാകുളം ജനറല് ആശുപത്രിയില് കുഞ്ഞിനെ എത്തിച്ചു. തുടര്ന്നുള്ള വിദഗ്ധ പരിചരണം ഉറപ്പാക്കാന് സ്പെഷ്യല് ടീമിനേയും നിയോഗിച്ചിട്ടുണ്ട്.കുഞ്ഞിന്റെ സ്വകാര്യ ആശുപത്രിയിലെ ചികിത്സാ ചെലവിന്റെ തുക ആരോഗ്യ വകുപ്പ് ഡയറക്ടര് നിശ്ചയിക്കുന്ന പ്രകാരം വനിത ശിശുവികസന വകുപ്പിന്റെ ബാലനിധിയിലൂടെ അനുവദിക്കും. മാതാപിതാക്കള് തിരിച്ചു വരുന്നെങ്കില് കുഞ്ഞിനെ അവര്ക്ക് കൈമാറും. മാതാപിതാക്കള്ക്ക് എത്തിയില്ലെങ്കില് നിയമപരമായ നടപടികളിലൂടെ കുഞ്ഞിനെ ശിശുക്ഷേമ സമിതി ഏറ്റെടുക്കും.ആശുപത്രിയിലെ പീഡിയാട്രീഷ്യന് ഡോ. വിജിയുടെ നേതൃത്വത്തിലുള്ള വിദഗ്ധ ഡോക്ടര്മാരടങ്ങിയ പ്രത്യേക മെഡിക്കല് ബോര്ഡ് കുഞ്ഞിന്റെ ചികിത്സാ മേല്നോട്ടം വഹിക്കും. ബന്ധുക്കളാരും ഇല്ലാത്തതിനാല് കുഞ്ഞിന്റെ പ്രത്യേക പരിചരണത്തിന് ന്യൂബോണ് കെയറിലെ നഴ്സുമാരെ നിയോഗിച്ചു. കുഞ്ഞിന് മുലപ്പാല് ബാങ്കില് നിന്നും മുലപ്പാല് ലഭ്യമാക്കിയിട്ടുണ്ട്. ആവശ്യമെങ്കില് വനിത ശിശുവികസന വകുപ്പിന്റെ കെയര് ടേക്കര്മാരേയും നിയോഗിക്കും.
Discover more from News12 India Kerala
Subscribe to get the latest posts sent to your email.
