ശ്രീനഗര്: ജമ്മു കാശ്മീരിൽ ഭീകരർക്കായി തെരച്ചിൽ ഊർജ്ജിതമാക്കി സൈന്യം. അനന്ത്നാഗിലും ബന്ദിപ്പോരയിലും സൈന്യവും ഭീകരരും തമ്മിൽ വീണ്ടും ഏറ്റുമുട്ടൽ ഉണ്ടായി.ബന്ദിപ്പോരയിൽ
ഒരു ഭീകരനെ സൈന്യം വധിച്ചു. വനമേഖലയിൽ ഭീകരർ
ഒളിച്ചിരിക്കുന്നതായും സൈന്യത്തിന് വിവരം ലഭിച്ചിട്ടുണ്ട്. ബന്ദിപ്പോരയിലെ കെത്സൻ വനമേഖലയിൽ സുരക്ഷാ സേനക്ക് നേരെ ഭീകരർ വെടിയുതിർത്തു. ഭീകരർ ഒളിച്ചിരിക്കുന്നതായി സൈന്യത്തിന്
രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ തെരച്ചിലിനിടെയാണ് ഏറ്റുമുട്ടൽ ഉണ്ടായത്.
