കുണ്ടറ: കുണ്ടറ-പള്ളിമുക്ക് റെയില്വെ മേല്പ്പാല നിര്മാണത്തിന് 43.32 കോടി രൂപയുടെ പുതുക്കിയ ഭരണാനുമതി. മേല്പ്പാല നിര്മാണത്തിനുള്ള നിര്വ്വഹണ ഏജന്സിയായി ആര്ബിഡിസികെയെ പുനര്നിയമിച്ചു കൊണ്ടുള്ള ഉത്തരവാണുണ്ടായത്. മേല്പ്പാലത്തിന്റെ നിര്മാണ ചുമതല ആദ്യകാലത്ത് ആര്ബിഡിസികെയ്ക്ക് ആയിരുന്നെങ്കിലും പിന്നീട് മറ്റൊരു പദ്ധതിയുടെ ഭാഗമായി കെആര്എഫ്ബി നിര്വഹണ ഏജന്സിയായി മാറുകയായിരുന്നു. ഈ സാഹചര്യത്തില് ആ പദ്ധതി നീണ്ടു പോകുകയും മേല്പ്പാല നിര്മാണം പ്രതിസന്ധിയിലാകുകയും ചെയ്തിരുന്നു. പി.സി.വിഷ്ണുനാഥ് എംഎല്എ ഇക്കാര്യം നിയമസഭയില് സബ്മിഷനായി ഉന്നയിച്ചിരുന്നു.
പിന്നീട് പിഡബ്ല്യൂഡി സെക്രട്ടറിയുടെ അധ്യക്ഷതയില് കെആര്എഫ്ബിയുടെയും ആര്ബിഡിസികെയുടെയും, എന്എച്ച്എഐയുടെയും ഉദ്യോഗസ്ഥരുടെയും യോഗം വിളിച്ചു ചേര്ക്കുകയും യോഗ തീരുമാനത്തിന്റെ അടിസ്ഥാനത്തില് നിര്വ്വഹണ ഏജന്സിയായി വീണ്ടും ആര്ബിഡിസികെയെ നിശ്ചയിച്ചു കൊണ്ട് തീരുമാനമുണ്ടാവുകയായിരുന്നു.
