കൊച്ചി:കഴിഞ്ഞ മൂന്നാം തീയ്യതിയാണ് യുവതിക്കെതിരെ സിഐ ലൈംഗികാതിക്രമം നടത്തിയത്. പാലരുവി എക്‌സ്പ്രസിലെ ലോക്കൽ കംപാർട്മെന്റിൽ വെച്ചാണ് കേസിനാസ്പദമായ സംഭവം നടന്നത്. തൃപ്പൂണിത്തുറ ഭാഗത്ത് വെച്ചാണ് പ്രതി യുവതിയോട് അപമര്യാദയായി പെരുമാറിയത്. കൊച്ചിയിലെത്തിയപ്പോൾ യുവതി പോലീസിൽ പരാതിപെട്ടു. തുടർന്ന് ഒരു വനിതാ പോലീസ് എത്തി ഇയാളുടെ ദൃശ്യം പകർത്തി. ഈ ഘട്ടത്തിൽ ഇയാൾ അവിടെ നിന്ന് കടന്നുകളയുകയായിരുന്നു.പിന്നീട് ഈ ദൃശ്യം ഉപയോഗിച്ച് റെയിൽവേ പോലീസ് അന്വേഷിച്ചപ്പോഴാണ് വിവരങ്ങൾ ലഭിച്ചത്. പ്രതി അഗളിയിലെ സിഐ ആണെന്ന് തിരിച്ചറിഞ്ഞതോടെ പാലക്കാട് പോലീസിനെ വിവരം അറിയിച്ചിട്ടുണ്ട്. ട്രെയിൻ യാത്രയ്ക്കിടെ അഗളി സിഐ അബ്ദുൾ ഹക്കീം ലൈംഗികാതിക്രമം നടത്തിയെന്നാണ് കരുനാഗപ്പള്ളി സ്വദേശിനിയായ യുവതിയുടെ പരാതി. പൊലീസ് കേസെടുത്തതിന് പിന്നാലെ ഇയാൾ ഒളിവിൽ പോയെന്നും അന്വേഷണം പുരോഗമിക്കുകയാണെന്നുമാണ് പൊലീസ് വ്യക്തമാക്കുന്നത്.
About The Author
Discover more from News 12 India Malayalam
Subscribe to get the latest posts sent to your email.
