ലോക കേരള സഭയിൽ അവതരിപ്പിക്കുന്ന കരടു രൂപം തയ്യാറാക്കി

ഫെഡറേഷൻ ഓഫ് ഓൾ ഇന്ത്യാ മറുനാടൻ മലയാളി അസോസിയേഷൻസ് -ഫെയ്മ മഹാരാഷ്ട്ര സംസ്ഥാന സമിതിയുടെ നേതൃത്വത്തിൽ, ഈ വർഷത്തെ ലോക കേരള സഭയിൽ മഹാരാഷ്ട്ര മലയാളികളുടെ വിവിധ വിഷയങ്ങൾ അവതരിപ്പിക്കുന്നതിനുള്ള കരട് രൂപരേഖ തയ്യാറാക്കുന്നതിന് വേണ്ടി മഹാരാഷ്ട്രയിലെ 36 ജില്ലകളിൽ താമസിക്കുന്ന മലയാളി പ്രവാസി യോഗത്തിൽ ലോക കേരള സഭയിൽ അവതരിപ്പിക്കുന്ന കരടു രൂപം തയ്യാറാക്കി.

ഫെയ്മ മഹാരാഷ്ട്ര സംസ്ഥാന സമിതി പ്രസിഡൻ്റും ലോക കേരള സഭാംഗവുമായ ജയപ്രകാശ് നായർ അധ്യക്ഷത വഹിച്ച യോഗത്തിൽ സംസ്ഥാന ജോ:സെക്രട്ടറി രാജീവ് പണിക്കർ സ്വാഗതം ആശംസിച്ചു.

ഫെയ്മ മഹാരഷ്ട്ര അഡ്വൈസറി കമ്മിറ്റി വൈസ് ചെയർമാൻ പി.വി ഭാസ്കരൻ കരടുരൂപം ചർച്ച ഉൽഘാടനം ചെയ്തു.
ലോക കേരള സഭാംഗമായി തെരഞ്ഞെടുത്ത സംസ്ഥാന പ്രസിഡൻ്റ് ജയപ്രകാശ് നായരെ ഫെയ്മ മഹാരാഷ്ട്ര ഖജാൻജി ഉണ്ണി വി ജോർജ്ജ്, ഫെയമ മഹാരാഷട്ര നാസിക് സോൺ കൺവീനർ ജി.കെ ശശികുമാർ ,സീനിയർ സിറ്റിസൺ ക്ലബ്ബ് ചെയർമാൻ രവീന്ദ്രൻ നായർ, റെയിൽ പാസഞ്ചേഴ്സ് അസ്സോസിയേഷൻ കൺവീനർ കെ. പി. എസ് നായർ എന്നിവർച്ചേർന്ന് സ്വീകരണം നൽകി.

കരടുരൂപം തയ്യാറാക്കാനുള്ള ചർച്ചയിൽ പങ്കെടുത്തു കൊണ്ട് അഡ്വൈസറി കമ്മിറ്റി ചെയർമാനും ചിഞ്ച്‌വാഡ് മലയാളി സമാജം പ്രസിഡൻ്റുമായടി.പി വിജയൻ സംസാരിച്ചു. തുടർന്ന അഡ്വൈസറി കമ്മിറ്റി അംഗങ്ങൾ, മുംബൈ, കൊങ്കൺ, പൂനെ, നാസിക്, മറാത്തവാഡ നാഗ്പൂർ, അമരാവതി ഫെയ്മ മഹാരാഷ്ട്ര സോൺ ഭാരവാഹികൾ, ഉപസമിതികളായ വനിതാവേദി, സർഗ്ഗവേദി, സീനിയർ സിറ്റിസൺ വേദി, യൂത്ത് വിംഗ്, യാത്ര സഹായവേദി, വെൽഫെയർ സെൽ ഉപസമിതികളുടെ പ്രതിനിധികൾ, വിവിധ സംഘടന നേതാക്കൾ മഹാരാഷ്ട്ര പ്രവാസി മലയാളികൾ നേരിടുന്ന വിവിധ സാമൂഹിക, സാമ്പത്തിക, യാത്ര, വിദ്യാഭ്യാസ, ആരോഗ്യ, തൊഴിൽ സംബന്ധമായ വിഷയങ്ങൾ അവതരിപ്പിച്ച
യോഗത്തിൽ മഹാരാഷ്ട്രയിലെ 36 ജില്ലകളിലുള്ള സംഘടനകളെ പ്രതിനിധീകരിച്ച് 120 പേർ ചർച്ചയിൽ പങ്കെടുത്തു

ലോക കേരള സഭയിൽ മഹാരാഷ്ട്ര മലയാളികളുടെ ശബ്ദം ശക്തമായി ഉയർത്തുന്നതിനായി എല്ലാവരുടെയും അഭിപ്രായങ്ങൾ സമാഹരിച്ച് ഏകോപിതമായ രൂപരേഖ തയ്യാറാക്കുമെന്ന് അധ്യക്ഷൻ യോഗത്തെ അറിയിച്ചു. ജനറൽ സെക്രട്ടറി പി.പി. അശോകൻ ചർച്ചകൾ ഏകോപിപ്പിച്ചു. വൈസ് പ്രസിഡൻ്റ്  അനു ബി. നായർ നന്ദി രേഖപ്പെടുത്തി.