കാണാതായ തിരൂർ ഡെപ്യുട്ടി തഹസിൽദാറെ ഉടുപ്പിയില് കണ്ടെത്തി
മലപ്പുറം: കാണാതായ തിരൂർ ഡെപ്യുട്ടി തഹസിൽദാറെ ഉടുപ്പിയില് കണ്ടെത്തി. ഡെപ്യൂട്ടി തഹസില്ദാര് മാങ്ങാട്ടിരി സ്വദേശി പിബി ചാലിബിനായി അന്വേഷണ സംഘം കർണാടകയിൽ എത്തിയിരുന്നു. അവസാന ടവർ ലൊക്കേഷൻ ഉഡുപ്പിയിൽ എന്ന് പൊലീസ് കണ്ടെത്തി
ചാലിബിന്റെ മൊബൈൽ ഫോൺ ഇന്ന് പുലർച്ചെയും ഓൺ ആയി. പുലർച്ചെ 2 മണിക്ക് ആണ് മൊബൈൽ ഫോൺ ഓൺ ആയത്
തുടര്ന്നാണ് ചാലിബിനെ കണ്ടെത്തിയത്.
കഴിഞ്ഞ ദിവസം ഓഫീസിൽ നിന്നും ഇറങ്ങിയ ശേഷമാണ് ചാലിബിനെ കാണാതായത്. വൈകിട്ട് അഞ്ചേകാലോടെയാണ് ഇയാൾ ഓഫീസിൽ നിന്നും ഇറങ്ങിയത്. വീട്ടിൽ എത്താൻ വൈകുമെന്ന് കുടുംബത്തെ അറിയിച്ചിരുന്നു. പിന്നീട് വിളിച്ചിട്ട് യാതൊരു വിവരവുമില്ല. എട്ട് മണിയോടെ ഭാര്യ ചാലിബിന് മെസേജ് അയച്ചിരുന്നു. പൊലീസിനും എക്സൈസിനും ഒപ്പം വളാഞ്ചേരിയിൽ ഒരു റെയ്ഡിലാണെന്നായിരുന്നു മറുപടി. പിന്നീട് ചാലിബിനെ വിളിച്ചിട്ട് കിട്ടിയില്ല. പൊലീസ് അന്വേഷിച്ചപ്പോൾ അങ്ങനെ ഒരു പരിശോധന നടന്നിട്ടില്ലെന്ന് സ്ഥിരീകരിച്ചു. ഇതോടെ കുടുംബം തിരൂർ പൊലീസിൽ പരാതി നൽകുകയായിരുന്നു. കോഴിക്കോടാണ് അവസാന മൊബൈൽ ടവർ ലൊക്കേഷൻ കാണിച്ചതെന്ന് പൊലീസ് പറഞ്ഞു.
