കൊല്ലം ജില്ല രൂപീകൃതമായതിന്റെ 75-ാം വാര്ഷികാഘോഷങ്ങളുടെ ഭാഗമായി ഇന്ഫര്മേഷന്- പബ്ലിക് റിലേഷന്സ് വകുപ്പിന്റെ നേതൃത്വത്തില് ഇന്ന് (മാര്ച്ച് മൂന്ന്) മുതല് 10 വരെ കൊല്ലം ആശ്രാമം മൈതാനിയില് കൊല്ലം @ 75 പ്രദര്ശന വിപണന മേള നടക്കും. ഇന്ന് വൈകിട്ട് അഞ്ചിന് ധനകാര്യ മന്ത്രി കെ.എന്.ബാലഗോപാല് ഉദ്ഘാടനം ചെയ്യും. കൊല്ലത്തിന്റെ സാംസ്കാരിക പൈതൃകത്തെക്കുറിച്ചറിയുന്നതിനുള്ള പ്രത്യേക തീം ഏരിയയും വിനോദത്തിനും വിജ്ഞാനത്തിനുമുള്ള പരിപാടികളും ഒരുക്കിയിട്ടുണ്ട്. സംസ്ഥാന സര്ക്കാരിന്റെ വികസന ക്ഷേമ പ്രവര്ത്തനങ്ങള്ക്കൊപ്പം കൊല്ലത്തിന്റെ വികസന മുന്നേറ്റം, ഭാവി സാധ്യതകള് തുടങ്ങിയവ മേളയില് അവതരിപ്പിക്കും. വിവിധ വകുപ്പുകളുടെ തീം-വിപണന സ്റ്റാളുകള്, പുസ്തക മേള, സാഹിത്യചര്ച്ച, കവിയരങ്ങ് എന്നിവ മേളയുടെ ഭാഗമായി നടക്കും. പ്രമുഖ കലാകാര•ാര് അണിനിരക്കുന്ന കലാപരിപാടികള് വൈകുന്നേരങ്ങളില് നടക്കും. പൊതുജനങ്ങള്ക്ക് പ്രവേശനം സൗജന്യമാണ്.
ഇന്ഫര്മേഷന് – പബ്ലിക് റിലേഷന്സ് വകുപ്പിന്റെ ഏകോപനത്തില് ജില്ലാ ഭരണകൂടവും സര്ക്കാരിന്റെ വിവിധ വകുപ്പുകളും ചേര്ന്നാണ് പ്രദര്ശനം ഒരുക്കുന്നത്. സര്ക്കാര് വകുപ്പുകളുടെയും ഏജന്സികളുടെയും തീം സ്റ്റാളുകള്, തത്സമയ സേവനം നല്കുന്ന സ്റ്റാളുകള്, വ്യവസായ- വാണിജ്യ- സഹകരണ വകുപ്പിന്റെ നേതൃത്വത്തിലുള്ള വിപണന സ്റ്റാളുകള് തുടങ്ങിയവ ഉണ്ടാകും.
വയലിന് ഫ്യൂഷന്
ആശ്രാമം മൈതാനത്ത് കൊല്ലം@75 മേളയോടനുബന്ധിച്ച് ഇന്ന് (മാര്ച്ച് 3) വൈകിട്ട് 6.30ന് രൂപ രേവതി നയിക്കുന്ന വയലിന് ഫ്യൂഷന് നടക്കും. പ്രവേശനം സൗജന്യം.
