“വിദ്യാർത്ഥികൾ ഫ്ലാഷ് മോബ് സംഘടിപ്പിച്ചു”

തളിപ്പറമ്പ:പട്ടുവം യു പി സ്കൂളിൻ്റെ ആഭിമുഖ്യത്തിൽ ലഹരി വിരുദ്ധ ക്യാമ്പയിന്റെ ഭാഗമായി വിദ്യാർത്ഥികൾ ഫ്ലാഷ് മോബ് സംഘടിപ്പിച്ചു.

മുറിയാത്തോട്, കാവുങ്കൽ , കവിൻമുനമ്പ്, കുഞ്ഞി മതിലകം,  കോട്ടക്കീൽ എന്നിവിടങ്ങളിലാണ് ഫ്ലാഷ് മോബ് അവതരിപ്പിച്ചത്.

മുറിയാത്തോട്ടെ പഞ്ചായത്ത് കമ്യൂണിറ്റി ഹാൾ പരിസരത്ത് വെച്ച് പട്ടുവം ഗ്രാമപഞ്ചായത്ത് പ്രസിഡന്റ്‌ പി ശ്രീമതി ഫ്ലാഷ് മോബ് ഉദ്ഘാടനം ചെയ്തു .

പി ടി എ പ്രസിഡണ്ട് യു മോഹൻ ദാസ് അധ്യക്ഷത വഹിച്ചു .

പ്രഥമ അധ്യാപിക പി വി നിഷ സ്വാഗതവും ഗ്രാമ പഞ്ചായത്ത്
വിദ്യാഭ്യാസ-ആരോഗ്യ സ്റ്റാൻഡിങ് കമ്മറ്റി ചെയർപേഴ്സൺ സീനത്ത് മഠത്തിൽ നന്ദിയും പറഞ്ഞു.കവിൻ മുനമ്പിൽ പട്ടുവം കുടുംബ ആരോഗ്യ കേന്ദ്രത്തിലെ ഹെൽത്ത് ഇൻസ്പെക്ടർ കെ ശ്രീകാന്തും കുഞ്ഞി മതിലകത്ത് പട്ടുവം ആയുർവേദ മെഡിക്കൽ ഓഫീസർ ഡോ: എൻ മഞ്ജുഷയും ഉദ്ഘാടനം നിർവ്വഹിച്ചു.

പട്ടുവം യു പി സ്കുളിൽ വെച്ച് നടന്ന സമാപനം പട്ടുവം സർവ്വീസ് സഹകരണ ബാങ്ക് അസി: സെക്രട്ടറി ടി വി പ്രേമൻ ഉദ്ഘാടനം ചെയ്തു .

രാജൻ തളിപ്പറമ്പ