കൊച്ചി കപ്പലപകടത്തില് കേസെടുത്ത് പൊലീസ്, എംഎസ് സി എല്സ കമ്പനി ഒന്നാം പ്രതി
കൊച്ചി : അറബിക്കടലില് കൊച്ചി തീരത്തിന് സമീപം എംഎസ് സി എല്സ -3 ( MSC Elsa-3 ) എന്ന ചരക്കുകപ്പല് അപകടത്തില് ( Kochi Ship Accident ) പൊലീസ് കേസെടുത്തു. ഫോര്ട്ടുകൊച്ചി കോസ്റ്റല് പൊലീസാണ് എഫ്ഐആര് രജിസ്റ്റര് ചെയ്തത്. എംഎസ് സി എല്സ എന്ന കപ്പലിന്റെ ഉടമയാണ് ഒന്നാം പ്രതി. ഷിപ്പ് മാസ്റ്റര് രണ്ടാം പ്രതിയും കപ്പല് ക്രൂ മൂന്നാം പ്രതിയുമാണ്. മനുഷ്യജീവന് അപകടകരമാകുന്നതും പരിസ്ഥിതി നാശത്തിന് ഇടയാക്കുന്നതുമായ വസ്തുക്കള് കയറ്റിയ കപ്പല് അലക്ഷ്യമായി കൈകാര്യം ചെയ്തുവെന്ന് ചൂണ്ടിക്കാട്ടിയാണ് കേസ്.
