സോഷ്യല്‍ പോലീസിംഗ് വിങ്ങിന്റെ കീഴിലുള്ള പ്രോജക്ടായ ഹോപ്പ് പദ്ധതിയുടെ കൊല്ലം സിറ്റിയുടെ 2024-25 വര്‍ഷത്തേക്കുള്ള പ്രവര്‍ത്തനങ്ങള്‍ക്ക് തുടക്കമായി. പ്രതീക്ഷോത്സവം 2024 എന്ന പേരില്‍ കൊല്ലം പോലീസ് ക്ലബ്ബില്‍ സംഘടിപ്പിച്ച പരിപാടി ജില്ലാ നോഡല്‍ ഓഫീസര്‍ അഡീഷണല്‍ സുപ്രണ്ട് ഓഫ് പോലീസ് ജിജി. എന്‍ ഉദ്ഘാടനം ചെയ്തു. എസ്.എസ.്എല്‍.സി, പ്ലസ് ടു പരീക്ഷകളില്‍ വിജയത്തിലെത്താന്‍ സാധിക്കാത്ത കുട്ടികളെ കണ്ടെത്തി അവര്‍ക്ക് ആവശ്യമായ പിന്തുണ നല്‍കി പഠനത്തിലേക്ക് തിരിച്ചെത്തിക്കുന്ന പദ്ധതിയാണ് ഹോപ്പ്. പുതുതായി ഹോപ്പിലേക്ക് വന്ന 45 കുട്ടികളെയും രക്ഷകര്‍ത്താക്കളെയും ഉള്‍പ്പെടുത്തിയാണ് പ്രതീക്ഷോത്സവം പരിപാടി സംഘടിപ്പിച്ചത്. ഹോപ്പ് കോഡിനേറ്റര്‍ ബിനു.കെ.എസ് അധ്യക്ഷത വഹിച്ച ചടങ്ങില്‍ റിസോഴ്‌സ് പേഴ്‌സണ്‍ കാള്‍ട്ടണ്‍ ഫെര്‍ണാണ്ടസ്, പോലീസ് ഓഫീസര്‍ അസോസിയേഷന്‍ ജില്ലാ സെക്രട്ടറി ജിജു.സി.നായര്‍, അധ്യാപിക പ്രീത എന്നിവര്‍ ആശംസകള്‍ അര്‍പ്പിച്ചു, സൈക്കോളജിസ്റ്റ് ജോസഫ് മോട്ടിവേഷന്‍ ക്ലാസും, സൈക്കോളജിസ്റ്റ് സുവിദ്യ നന്ദിയും അറിയിച്ചു.
About The Author
Discover more from News 12 India Malayalam
Subscribe to get the latest posts sent to your email.
