തലസ്ഥാന നഗരിയിലെ ആമയിഴഞ്ചാന്‍തോട്ടില്‍ അസാധാരണമായ വിധം രക്ഷാപ്രവര്‍ത്തനത്തിന് നേതൃത്വം നല്‍കിയ അഗ്നിരക്ഷാ സേനാംഗങ്ങളേയും സ്‌കൂബാ ഡൈവിംഗ് ടീമംഗങ്ങളെയും ജോയിന്റ് കൗണ്‍സില്‍ ആദരിച്ചു. മാലിന്യകൂമ്പാരങ്ങള്‍ക്കിടയില്‍ അകപ്പെട്ട് മാരായമുട്ടം സ്വദേശിയായ ജോയിക്കായി കേരള ഫയര്‍ ഫോഴ്‌സിലെ ജീവനക്കാര്‍ നടത്തിയ മാതൃകാ പ്രവര്‍ത്തനം സിവില്‍ സര്‍വീസിനാകെ അഭിമാനമായി മാറി. പൊതുസമൂഹത്തിന്റെ മുന്നില്‍ ഒരിക്കല്‍ കൂടെ സിവില്‍ സര്‍വീസിന്റെ പ്രാധാന്യം അടയാളപ്പെടുത്താന്‍ കഴിഞ്ഞു. സ്വന്തം ജീവന്‍ അവഗണിച്ചും മറ്റൊരു ജീവന്‍ രക്ഷിക്കാനായി മാലിന്യ കൂമ്പാരത്തില്‍ മുങ്ങിതാഴ്ന്ന അഗ്നിരക്ഷാ സേനാംഗങ്ങളും സ്‌കൂബാ ഡൈവേഴ്‌സും സിവില്‍ സര്‍വീസിന്റെ കാര്യക്ഷമതയും നിലപാടും ഒരിക്കല്‍ കൂടെ പൊതുസമൂഹത്തിന് ബോദ്ധ്യപ്പെടുത്തി കൊടുക്കാന്‍ കഴിയുന്നതാക്കി മാറ്റി.
മറ്റൊന്നും ആലോചിക്കാതെ സ്വന്തം ജീവന്‍ അവഗണിച്ചും രക്ഷാപ്രവര്‍ത്തനം നടത്തിയ ജീവനക്കാരെ കേരളം എന്നും ബഹുമാനത്തോടെ ഓര്‍ക്കുമെന്ന് ആദരവ് സമ്മേളനം ഉദ്ഘാടനം ചെയ്തുകൊണ്ട്പന്ന്യന്‍ രവീന്ദ്രന്‍ എക്‌സ് എം.പി പറഞ്ഞു. ജോയിന്റ് കൗണ്‍സിലിന്റെ ആദരവ് പന്ന്യന്‍ രവീന്ദ്രന്‍ രക്ഷാദൗത്യത്തിലേര്‍പ്പെട്ട അഗ്നിരക്ഷാ സേനാംഗങ്ങള്‍ക്ക് നല്‍കി.
ജോയിന്റ് കൗണ്‍സില്‍ ചെയര്‍മാന്‍ കെ.പി.ഗോപകുമാര്‍ അദ്ധ്യക്ഷത വഹിച്ചു. ജനറല്‍ സെക്രട്ടറി ജയശ്ചന്ദ്രന്‍ കല്ലിംഗല്‍ സ്വാഗതവും സംസ്ഥാന സെക്രട്ടറി എം.എം.നജിം നന്ദിയും പറഞ്ഞു. അനുമോദന യോഗത്തില്‍ സംസ്ഥാന വൈസ്‌ചെയര്‍പേഴ്‌സണ്‍ എം.എസ്.സുഗൈദകുമാരി, സംസ്ഥാന സെക്രട്ടേറിയറ്റംഗം പി.ശ്രീകുമാര്‍, സംസ്ഥാന കമ്മിറ്റിയംഗങ്ങളായ വി.കെ.മധു, ആര്‍.സിന്ധു, യു.സിന്ധു, ജി.സജീബ്കുമാര്‍, ബീനാഭദ്രന്‍, ആര്‍.സരിത, സൗത്ത് ജില്ലാ സെക്രട്ടറി വിനോദ്.വി.നമ്പൂതിരി, പ്രസിഡന്റ് ആര്‍.കലാധരന്‍, നോര്‍ത്ത് ജില്ലാ പ്രസിഡന്റ് ആര്‍.എസ്.സജീവ്, സെക്രട്ടറി സതീഷ് കണ്ടല എന്നിവര്‍ സംബന്ധിച്ചു. രക്ഷാദൗത്യത്തിന് നേതൃത്വം നല്‍കിയ 42 ഫയര്‍ഫോഴ്‌സ് ജീവനക്കാര്‍ക്കാണ് ആദരവ് നല്‍കിയത്. ആദരവിന് നന്ദി പറഞ്ഞ് ഗ്രേഡ് അസിസ്റ്റന്റ് സ്റ്റേഷന്‍ ഓഫീസര്‍ സുഭാഷ് സംസാരിച്ചു.
ബംഗ്ളുരു :ആശാ പ്രവർത്തകരുടെ അനിശ്ചിതകാല നിരന്തര സമരം കർണാടക മുഖ്യമന്ത്രിയുടെ ഇടപെടലിൽ ഉജ്ജ്വല വിജയത്തിൽ കലാശിച്ചു. പല പ്രധാന ആവശ്യങ്ങളിൽ…
കൊല്ലം: നൃത്ത സംഗീത വാദ്യ താളമേളങ്ങള്‍ പെയ്തിറങ്ങിയ കുടുംബശ്രീയുടെ ആറാമത് സംസ്ഥാനതല ബഡ്സ് കലോത്സവം-തില്ലാനയുടെ അരങ്ങില്‍ 47 പോയിന്‍റ് നേടി…
കരാര്‍ നിയമനം വയനാട് സര്‍ക്കാര്‍ മെഡിക്കല്‍ കോളേജില്‍ വിവിധ വിഭാഗങ്ങളിലായി (ജനറല്‍ മെഡിസിന്‍, ഒ.ബി.ജി, റേഡിയോ ഡയഗ്നോസിസ്, ഒഫ്താല്‍മോളജി, ജനറല്‍…
തൊഴിലാളികൾ ഞായറാഴ്ചയുള്‍പ്പെടെ ആഴ്ചയില്‍ 90 മണിക്കൂര്‍ പണിയെടുക്കണമെന്ന് ഇൻഫോ സിസ് മേധാവി നാരായണമൂര്‍ത്തിയെപ്പോലെ ലാര്‍സന്‍ & ട്യൂബ്രോ ചെയര്‍മാന്‍ സുബ്രഹ്മണ്യവും…
കണ്ണൂർ:പരിസ്ഥിതി സൗഹൃദമായ ഇടപെടലുകളിലൂടെ വൃത്തിയും സുരക്ഷയും ഉറപ്പാക്കി അന്താരാഷ്ട്ര അംഗീകാരമായ ബ്ലൂ ഫ്‌ളാഗ് നേട്ടം സ്വന്തമാക്കി കണ്ണൂർ ജില്ലയിലെ അഴീക്കോട്…
ഉന്നത വിദ്യാഭ്യാസ രംഗത്തെ നേട്ടങ്ങളെ ആകെ പിന്നോട്ട് അടിക്കുന്ന പുതിയ ഡ്രാഫ്റ്റ് യുജിസി റഗുലേഷൻസ് 2025 പിൻവലിക്കണമെന്ന് എ കെ…