“പണിമുടക്കം വിജയിപ്പിക്കുക : കെ.സി.എസ്‌.ഓ.എഫ് “

തിരുവനന്തപുരം :പങ്കാളിത്ത പെൻഷൻ പിൻവലിക്കാനുള്ള സർക്കാർ തീരുമാനം നടപ്പിലാക്കി പഴയ പെൻഷൻ പുനസ്ഥാപിക്കുക, പന്ത്രാണ്ടം ശമ്പള പരിഷ്കരണ നടപടികൾ ആരംഭിക്കുക, ക്ഷാമബത്ത -ശമ്പള പരിഷ്കരണ കുടിശ്ശിഖകൾ പൂർണ്ണമായും അനുവദിക്കുക, ലീവ് സറണ്ടർ മരവിപ്പിച്ച നടപടി പിൻവലിക്കുക, മെഡിസെപ് സർക്കാർ ഏറ്റെടുക്കുക, കേന്ദ്ര സർക്കാരിന്റെ കേരളത്തോടുള്ള സാമ്പത്തിക വിവേചനം അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചു കൊണ്ട് 2025 ജനുവരി 22 ന് അധ്യാപക സർവീസ് സംഘടനാ സമര സമിതി നടത്തുന്ന സൂചന പണിമുടക്ക് വിജയിപ്പിക്കുവാൻ സിവിൽ സപ്ലൈസ് വകുപ്പിലെ മുഴുവൻ ജീവനക്കാരോടും കേരള സിവിൽ സപ്ലൈസ് ഓഫീസേർസ് ഫെഡറേഷൻ (KCSOF)സംസ്ഥാന കൺവെൻഷൻ അഹ്വാനം ചെയ്തു. ഓൺലൈൻ ആയി നടന്ന വകുപ്പ് ജീവനക്കാരുടെ സംസ്ഥാന കൺവെൻഷൻ ജോയിന്റ് കൗൺസിൽ സംസ്ഥാന ട്രഷറർ പി.എസ്‌ സന്തോഷ്‌ കുമാർ ഉദ്ഘാടനം ചെയ്തു. കേരള സിവിൽ സപ്ലൈസ് ഓഫീസേർസ് ഫെഡറേഷൻ സംസ്ഥാന പ്രസിഡന്റ്‌ ജി. ബീന ഭദ്രൻ അധ്യക്ഷത വഹിച്ച യോഗത്തിൽ ജനറൽ സെക്രട്ടറി കെ. വിനോദ് സ്വാഗതം ആശംസിച്ചു. ജോയിന്റ് കൗൺസിൽ സംസ്ഥാന കമ്മിറ്റി അംഗം എൻ. എൻ പ്രജിത, കെ. സി. എസ്‌. ഓ. എഫ് സംസ്ഥാന ട്രഷറർ വിജീഷ് ടി. എം, വൈസ് പ്രസിഡന്റ്‌മാരായ ധന്യ പൊന്നപ്പൻ,എ.ഗുരുപ്രസാദ്,മനു കൃഷ്‌ണൻ, സംസ്ഥാന സെക്രട്ടറിമാരായ ഗിരീഷ് ചന്ദ്രൻ നായർ,ഡി.ലിജു തുടങ്ങിയവരും പങ്കെടുത്തു.