പങ്കാളിത്ത പെൻഷൻ പദ്ധതി പിൻവലിക്കാനുള്ള തീരുമാനം നടപ്പിലാക്കണം” — ജോയിന്റ് കൗൺസിൽ
തിരുവനന്തപുരം : പങ്കാളിത്ത പെൻഷൻ പദ്ധതി പിൻവലിക്കാനുള്ള തീരുമാനം നടപ്പിലാക്കി പഴയ പെൻഷൻ സംവിധാനം പുനസ്ഥാപിക്കണമെന്നും, പന്ത്രണ്ടാം ശമ്പള പരിഷ്കരണ നടപടിക്രമങ്ങൾ ഉടൻ ആരംഭിക്കണമെന്നും, ക്ഷാമബത്താ-ശമ്പള പരിഷ്കരണ കുടിശ്ശിക അനുവദിക്കണമെന്നും
ജോയിന്റ് കൗൺസിൽ പട്ടം മേഖല സമ്മേളനം സർക്കാരിനോട് ആവശ്യപ്പെട്ടു.
കാനം രാജേന്ദ്രൻ നഗറിൽ (പട്ടം പി.എസ് സ്മാരക ഹാൾ) നടന്ന സമ്മേളനം ജോയിന്റ് കൗൺസിൽ സംസ്ഥാന വൈസ് ചെയർപേഴ്സൺ എം.എസ് സുഗൈതകുമാരി ഉദ്ഘാടനം ചെയ്തു. പട്ടം മേഖലാ പ്രസിഡന്റ് രജിത് എസ്.അമരവിള അധ്യക്ഷത വഹിച്ചു.
ജോയിന്റ് കൗൺസിൽ സംസ്ഥാന കമ്മിറ്റി അംഗങ്ങളായ ആർ.സരിത, വി.ബാലകൃഷ്ണൻ, നോർത്ത് ജില്ലാ പ്രസിഡന്റ് ആർ.എസ് സജീവ്, ജില്ലാ സെക്രട്ടറി സതീഷ് കണ്ടല, ജില്ലാ ട്രഷറർ സി.രാജീവ്, ജില്ലാ വൈസ് പ്രസിഡന്റ് ജി.എസ് സരിത, ജില്ലാ വനിതാ കമ്മിറ്റി പ്രസിഡന്റ് മഞ്ജുകുമാരി.എം, നോർത്ത് ജില്ലാ കമ്മിറ്റി അംഗം സജൻ ഭാസ്കർ, പട്ടം മേഖല സെക്രട്ടറി അരുൺലാൽ ഡി.എസ്, ട്രഷറർ ഷീജ ആർ.നായർ, ജോയിന്റ് സെക്രട്ടറി ചന്ദ്രകിരൺ തുടങ്ങിയവർ പ്രസംഗിച്ചു.
ജോയിന്റ് കൗൺസിൽ പട്ടം മേഖലാ ഭാരവാഹികളായി രജിത്ത് എസ്.അമരവിള (പ്രസിഡന്റ്), രാജൻചെട്ടിയാർ, മിനിമോൾ.എസ് (വൈസ് പ്രസിഡന്റുമാർ) രതീഷ്കുമാർ.ആർ (സെക്രട്ടറി), ചന്ദ്രകിരൺ, അനൂപ് (ജോയിന്റ് സെക്രട്ടറിമാർ) സ്മിത.എസ് (ട്രഷറർ) എന്നിവരെയും
വനിതാ കമ്മിറ്റി ഭാരവാഹികളായി ശ്രീദേവി (പ്രസിഡന്റ് ), ശാരിക സി.എസ് (സെക്രട്ടറി) എന്നിവരെയും സമ്മേളനം തെരഞ്ഞെടുത്തു.
(Mob. No. 94477 68200)
