കേരള ലോട്ടറിയെ സംരക്ഷിക്കാൻ സർക്കാർ അടിയന്തിര നടപടികൾ സ്വീകരിക്കണം. ഇന്ദുശേഖരൻ നായർ.

കൊല്ലം : കേരള ലോട്ടറിയെ സംരക്ഷിക്കാൻ സർക്കാർ അടിയന്തിര നടപടി സ്വീകരിക്കണമെന്ന് എ.ഐ ടി യു സി സംസ്ഥാന വൈസ് പ്രസിഡന്റ് കെ എസ് ഇന്ദുശേഖരൻ നായർ പറഞ്ഞു. ലോട്ടറി കച്ചവടം നടത്തുന്ന പതിനായിരക്കണക്കിന് വരുന്ന തൊഴിലാളികൾക്ക് നൽകുന്ന കമ്മീഷനുൾപ്പെടെയുള്ള കാര്യങ്ങളിൽ പുനരാലോചന നടത്തണമെന്നും ആൾ കേരള ലോട്ടറി ട്രേഡേഴ്സ് യൂണിയൻ(AlTUC) കൊല്ലം ജില്ലാ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കേന്ദ്ര സർക്കാരിൻ്റെ നയസമീപനങ്ങളിൽ മാറ്റം വരുത്തണമെന്നും അദ്ദേഹം പറഞ്ഞു. രാജ്യത്തെ വ്യവസായ അന്തരീഷം തകർക്കപ്പെടുകയും അസംഘടിത തൊഴിലാളികൾ പട്ടിണിയിലാകുന്ന സമീപനമാണ് കേന്ദ്ര സർക്കാർ സ്വീകരിക്കുന്നത്. ഇത് സംസ്ഥാന സർക്കാരുകൾക്കും പ്രതിസന്ധി ഉണ്ടാക്കുന്നു. ലോട്ടറി വിൽപ്പന നടത്തുന്ന തൊഴിലാളികൾക്ക് അർഹമായ പരിഗണ നൽകാൻ സർക്കാർ നടപടി സ്വീകരിക്കണമെന്നും തുടർന്നു മുഖ്യപ്രഭാഷണം നടത്തിയ എ. ഐ ടി യു സി സംസ്ഥാന സെക്രട്ടറി അഡ്വ ജി ലാലു പറഞ്ഞു. യോഗത്തിൽ ബി മോഹൻദാസ് അധ്യക്ഷത വഹിച്ചു.ഐ.ഡി കാർഡിൻ്റെ വിതരണം എ. ഐ ടി യു സി ജില്ലാ സെക്രട്ടറി ജി ബാബു നിർവ്വഹിച്ചു.രാജൻ രക്തസാക്ഷി പ്രമേയവും എസ് എൻ പുരം സുനിൽ അനുശോചന പ്രമേയവും അവതരിപ്പിച്ചു. എ. ഐ ടി യു സി നേതാക്കളായ സുകേശൻ ചൂലിക്കാട്, ബി രാജു, ലോട്ടറി യൂണിയൻ നേതാക്കളായ ചന്ദ്രിക ടീച്ചർ,എസ്സ് മണികണ്ഠൻ,എസ് രാജൻ കൊട്ടാരക്കര, ശശിധരൻ പിള്ള കരുനാഗപ്പള്ളി എന്നിവർ സംസാരിച്ചു. ലോട്ടറി യൂണിയൻ ജില്ലാ സെക്രട്ടറി അലിയാരുകുഞ്ഞ് റിപ്പോർട്ട് അവതരിപ്പിച്ചു. സമ്മാനങ്ങളും ലോട്ടറി ടിക്കറ്റിൻ്റെ എണ്ണവും വർദ്ധിപ്പിക്കുക, ക്ഷേമനിധി ആനുകൂല്യങ്ങൾ കാലോചിതമായി പരിഷ്ക്കരിക്കുക. ഓൺലൈൻ വാട്ട്സാപ്പ് സമൂഹമാധ്യമങ്ങളിലൂടെയുള്ള വില കുറച്ച വിൽപ്പന എന്ന അഴിമതി വിരുദ്ധ കച്ചവടക്കാർക്കെതിരെ നിയമം മൂലം നടപടി എടുക്കുക തുടങ്ങിയ പ്രമേയങ്ങളും സമ്മേളനം അംഗീകരിച്ചു. ഭാരവാഹികളായി ബി മോഹൻദാസ് ( പ്രസിഡൻ്റ്) സുകേശൻ ചൂലിക്കാട്, ആർ ചന്ദ്രിക ടീച്ചർ, സുഭദ്രാമ്മ ശൂരനാട്, ജെ ജി അനന്ദകൃഷ്ണൻ, എം സുരേന്ദ്രൻ കൊട്ടാരക്കര (വൈസ് പ്രസിഡൻ്റെന്മാർ) എ അലിയാരുകുഞ്ഞ് (സെക്രട്ടറി) ബി രാജു, എസ് മണികണ്ഠൻ,എസ് രാജൻ, കെ ശശിധരൻ പിള്ള, എസ് എൻ പുരം സുനിൽ ( ജോ. സെക്രട്ടറിമാർ) എസ് രാധാമണി അമ്മ (ട്രഷറർ) എന്നിവരെ തിരഞ്ഞെടുത്തു.