കാഞ്ഞങ്ങാട്:തടഞ്ഞുവെച്ച പെൻഷൻ ആനുകൂല്യങ്ങൾ അനുവദിക്കണം
കാഞ്ഞങ്ങാട്: തടഞ്ഞുവെച്ച പെൻഷൻ പരിഷ്കരണ അവസാന ഗഡുവും ക്ഷാമബത്ത കുടിശികയും അനുവദിക്കണമെന്ന് സ്റ്റേറ്റ് സർവീസ് പെൻഷനേഴ്സ് കൗൺസിൽ ജില്ലാ സമ്മേളനം ആവശ്യപ്പെട്ടു.കാഞ്ഞങ്ങാട് നടന്ന സമ്മേളനം സി.പി.ഐ. ജില്ലാ സെക്രട്ടറി സി.പി. ബാബു ഉദ്ഘാടനം ചെയ്തു.ജില്ലാ പ്രസിഡൻ്റ് പി.മധുകുമാർ അധ്യക്ഷത വഹിച്ചു.
ജില്ലാ സെക്രട്ടറി എം.കുഞ്ഞിക്കണ്ണൻ നായർ പ്രവർത്തന റിപ്പോർട്ട് അവതരിപ്പിച്ചു.എം.മഹേഷ് കുമാർ,കെ.പത്മനാഭൻ ,കെ. പ്രീത, കരുണാകരൻ കരിമ്പിൽ, വി.എം.ചന്ദ്രൻ ,രവീന്ദ്രൻ മാണിയാട്ട്, എൻ.ബാലകൃഷ്ണൻ, കൃഷ്ണകുമാർ എന്നിവർ സംസാരിച്ചു.പെൻഷൻ പരിഷ്കരണ നടപടി ആരംഭിക്കാൻ നടപടി സ്വീകരിക്കുക കണ്ണൂരിൽ ഓട്ടം അവസാനിപ്പിക്കുന്ന തീവണ്ടികൾ കാസർകോട് വരെ നീട്ടുക തുടങ്ങിയ ആവശ്യങ്ങളും സമ്മേളനം ഉന്നയിച്ചു.
ഭാരവാഹികൾ: എം.കുഞ്ഞിക്കണ്ണൻ നായർ (പ്രസിഡൻ്റ്)
പി.കുമാരൻ, വി.വി. ഇന്ദിര (വൈ.പ്രസി) വി.എം.ചന്ദ്രൻ (സെക്രട്ടറി)യു.ദാമോദരൻ, മാധവൻ മാട്ടുമ്മൽ (ജോ. സെക്ര) കരുണാകരൻ കരിമ്പിൽ (ട്രഷർ )
