പിപി ദിവ്യക്ക് ജാമ്യം
കണ്ണൂര്‍: എഡിഎം നവീന്‍ബാബുവിന്‍റെ ആത്മഹത്യക്ക് കാരണമായതിനെത്തുടര്‍ന്ന് ജയിലിലായ ജില്ലാ പഞ്ചായത്ത് മുന്‍പ്രസിഡന്റും സിപിഎം ജില്ലാ കമ്മിറ്റി അംഗവുമായ പി പി ദിവ്യക്ക് തലശേരി പ്രിന്‍സിപ്പല്‍ സെഷന്‍സ് കോടതി ജാമ്യം നല്‍കി. 11-ാം ദിവസമാണ് നിരവധി കോടതി വ്യവഹാരങ്ങള്‍ക്കു ശേഷം ഇവര്‍ക്ക് ജാമ്യം ലഭിക്കുന്നത്. ഇന്നുതന്നെ ദിവ്യ ജയില്‍മോചിത ആയേക്കും.
ദിവ്യക്ക് ജാമ്യം ലഭിക്കുമെന്ന പ്രതീക്ഷിച്ചിരുന്നില്ലെന്ന് നവീന്‍ബാബുവിന്‍റെ ഭാര്യ മഞ്ജുഷ പ്രതികരിച്ചു. ഇപ്പോള്‍ കൂടുതല്‍ പ്രതികരിക്കാനില്ല.
വിധി ആശ്വാസകരമെന്ന് പ്രതികരിച്ച പ്രതിഭാഗം ദിവ്യനിരപരാധിത്വം കോടതിയെ ബോധ്യപ്പെടുത്തി എന്ന് പ്രത്യാശിച്ചു. കൂടുതല്‍ സത്യങ്ങള്‍ പുറത്തുവരാനുണ്ട്. ഒരു കൈയില്‍ കൊള്ളുന്ന സുപ്രധാന തെളിവുകള്‍ പുറത്തുവരാനുണ്ടെന്നും അഡ്വ.കെ. വിശ്വന്‍ പ്രതികരിച്ചു.
ഇത്തരമൊരുവിധി പ്രതീക്ഷിച്ചാണ് ഇന്നലെ പിപി ദിവ്യയെ തരംതാഴ്ത്തി സിപിഎം നടപടി പ്രഖ്യാപിച്ചതെന്നും സൂചനയുണ്ട്. എന്നാല്‍ ദിവ്യയെ കൈവിടാനാവില്ല അവര്‍ പാര്‍ട്ടി കേഡറാണ് എന്ന് എംവി ഗോവിന്ദന്‍ പ്രസ്താവിച്ചതും ശ്രദ്ധേയമായിരുന്നു.
About The Author
Discover more from News 12 India Malayalam
Subscribe to get the latest posts sent to your email.
