“വനിതാ പോലീസുദ്യോഗസ്ഥർക്കായി മെഡിക്കൽ ക്യാമ്പ് നടത്തി”

ലോക വനിതാ ദിനത്തോടനുബന്ധിച്ച് കേരള പോലീസ് അസോസിയേഷൻ, കേരള പോലീസ് ഓഫീസേഴ്സ് അസോസിയേഷൻ കൊല്ലം സിറ്റി ജില്ലാ കമ്മിറ്റികൾ സംയുക്തമായി ജില്ലാ ആരോഗ്യവകുപ്പിൻ്റെ ആഭിമുഖ്യത്തിൽ വനിതാ പോലീസുദ്യോഗസ്ഥർക്കും പോലീസ് കുടുംബാംഗങ്ങൾക്കുമായി ക്യാൻസർ നിർണയ വനിതാ മെഡിക്കൽ ക്യാമ്പ് സംഘടിപ്പിച്ചു. കൊല്ലം സിറ്റി ജില്ലാ പോലീസ് മേധാവി ശ്രീമതി കിരൺ നാരായണൻ ഐപിഎസ് ഉദ്ഘാടനം ചെയ്ത യോഗത്തിൽ കെപിഒഎ ജില്ലാ കമ്മിറ്റി മെമ്പർ സരിത.എം അദ്ധ്യക്ഷത വഹിച്ചു. കെപിഎ സംസ്ഥാന എക്സിക്യൂട്ടീവ് മെമ്പർ എസ്.രാജശ്രീ സ്വാഗതം പറഞ്ഞ യോഗത്തിൽ കരുനാഗപ്പള്ളി എഎസ്പി അഞ്ജലി ഭാവന ഐപിഎസ്,ഡോ.രജനി എം ബി. ബി. എസ്. ഗൈനക്കോളജിസ്റ്റ്&അസിസ്റ്റന്റ് പ്രൊഫസർ ഗവൺമെന്റ് വിക്ടോറിയ
ഹോസ്പിറ്റൽ,ഡോക്ടർ അഞ്ജു ജയകുമാർ ഗവൺമെന്റ് വിക്ടോറിയ ഹോസ്പിറ്റൽ, ഡോക്ടർ എം.എസ്. ദീപ ഓറൽ മെഡിസിൻ& റേഡിയോളജി അസീസിയ മെഡിക്കൽ കോളേജ്,കെ. പി. ഒ. എ സംസ്ഥാന കമ്മിറ്റി അംഗം ലിസ. കെ. പി. എ. ജില്ലാ കമ്മിറ്റി അംഗം എ ബുഷ്റ മോൾ തുടങ്ങിയവർ ആശംസകൾ അർപ്പിച്ചു.കെപിഒഎ ജില്ലാ കമ്മിറ്റി അംഗം ഒ.പ്രഭ നന്ദി പറഞ്ഞു.നൂറിൽ പരം വനിത ഉദ്യോഗസ്ഥർ ക്യാമ്പിൽ പങ്കെടുത്തു. കൊല്ലം ജില്ലാ മെഡിക്കൽ ഓഫീസറുടെ നേതൃത്വത്തിൽ ബ്രെസ്റ്, സെർവിക്കൽ , ഓറൽ ക്യാൻസർ ഡിറ്റക്ഷൻ തുടങ്ങിയ സൗകര്യങ്ങൾ ക്യാമ്പിൽ ഉണ്ടായിരുന്നു.