ഈരാറ്റുപേട്ടയിൽ കള്ളനോട്ട് ശേഖരം പിടികൂടി.

ഈരാറ്റുപേട്ട: ടൗണില്‍ നിന്നും രണ്ടര ലക്ഷത്തോളം രൂപയുടെ കള്ളനോട്ട് ശേഖരം പിടികൂടി. സംഭവത്തിൽ ഈരാറ്റുപേട്ട സ്വദേശികളായ 3 പേരെ പോലീസ് അറസ്റ്റ് ചെയ്തു. ഈരാറ്റുപേട്ട സ്വദേശികളായ അൻവർ ഷാ ,  അൽഷാം , ഫിറോസ് എന്നിവരാണ് പിടിയിലായത്. ബാങ്കിന്റെ സിഡിഎമ്മിലാണ് ഈ പണം നിക്ഷേപിച്ചത്.ബാങ്ക് അധികൃതരുടെ പരാതിയിൽ നടത്തിയ അന്വേഷണത്തിലാണ് ഇവരെ പിടികൂടിയത്. കള്ളനോട്ടിന്റെ ഉറവിടം സംബന്ധിച്ച് പോലീസ് ഇവരെ ചോദ്യം ചെയ്‌ത്‌ വരികയാണ്. നടത്തിയ പരിശോധനയിൽ ഒരാളുടെ വീട്ടിൽ നിന്നും 24000 രൂപയുടെ കള്ളനോട്ടും കണ്ടെത്തി.