“സെക്രട്ടേറിയറ്റിൽ വീണ്ടും പാമ്പ്”

തിരുവനന്തപുരം: സെക്രട്ടേറിയറ്റിൽ വീണ്ടും പാമ്പ് കയറി. പൊതുമരാമത്ത് ഇലക്ട്രിക്കൽ വിഭാഗം അസിസ്റ്റന്റ് എഞ്ചിനീയറുടെ ഓഫീസിലാണ് ഇന്ന് രാവിലെ പത്തേകാലോടെ പാമ്പിനെ കണ്ടത്. പരിഭ്രാന്തരായ ജീവനക്കാർ ഹെൽത്ത് ഇൻസ്പെക്ടറുടെ നേതൃത്യത്തിൽ പാമ്പിനെ അടിച്ചു കൊന്നു. പൈതൃക സംരക്ഷണ കെട്ടിടമായ പഴയനിയമസഭാ മന്ദിരത്തിലാണ് ഓഫീസ് സ്ഥിതി ചെയ്യുന്നത്.ഇതേ കെട്ടിടത്തിൽ തന്നെയുള്ള ജലവിഭവ വകുപ്പ് ഓഫീസിന്റെ ഇടനാഴിയിൽ രണ്ടു ദിവസം മുൻപ് പാമ്പിനെ കണ്ടിരുന്നു.എന്നാൽ പാമ്പിനെ പിന്നീട് പിടികൂടാൻ കഴിഞ്ഞിരുന്നില്ല.