ക്രിസ്മസ് ആഘോഷത്തിന്റെ അലങ്കാരത്തിനായി മരത്തിൽ കയറി വീണു പരുക്കേറ്റ യുവാവ് മരിച്ചു. കിളിമാനൂർ ആലത്തുകാവ് സ്വദേശി എ എസ് അജിനാണ് മരിച്ചത്.

കിളിമാനൂ: .ക്രിസ്മസ് ആഘോഷത്തിന്റെ അലങ്കാരത്തിനായി മരത്തിൽ കയറി വീണു പരുക്കേറ്റ യുവാവ് മരിച്ചു. കിളിമാനൂർ ആലത്തുകാവ് സ്വദേശി എ എസ് അജിനാണ് മരിച്ചത്. വിദഗ്ധ ചികിത്സ വേണമെന്ന ഡോക്ടർമാരുടെ നിർദ്ദേശം അവഗണിച്ച് വീട്ടിൽ വിശ്രമിക്കുന്നതിനിടെയാണ് മരണം. വീട്ടിൽ ഉറങ്ങുകയായിരുന്നു അജിത്തിനെ രാവിലെ ചായയുമായി ചെന്ന വീട്ടുകാരാണ് മരിച്ച നിലയിൽ കണ്ടത്. ഇന്നലെ രാത്രിയാണ് അരശുവിള നാട്ടുകൂട്ടം ക്ലബ്ബിൻ്റെ ക്രിസ്മസ് ആഘോഷ പരിപാടികൾക്കായി അജിൻ മരത്തിൽ കയറിയത്. മരത്തിൽ നിന്ന് വീണ അജിൻ സ്വകാര്യ ആശുപത്രിയിൽ ചികിത്സ തേടിയിരുന്നു. സ്കാനിങ്ങിനു ശേഷം വിദഗ്ധ ചികിത്സ വേണമെന്ന് ഡോക്ടർമാർ നിർദ്ദേശിച്ചിരുന്നു. ഇത് കാര്യമാക്കാതെയാണ് അജിൻ വീട്ടിൽ വന്ന് കിടന്നുറങ്ങിയത്. കിളിമാനൂർ പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.