പൊതുജന ബോധവൽക്കരണം ലക്ഷ്യമാക്കി ഒരു ടെലിഫിലിം ഒരുങ്ങുന്നു.

കൊല്ലം :സാമൂഹ്യ നീതി വകുപ്പിന്റെ നിയന്ത്രണത്തിലുള്ള സംസ്ഥാന ഭിന്നശേഷി കമ്മിഷണറേറ്റിനു വേണ്ടി, പൊതുജന ബോധവൽക്കരണം ലക്ഷ്യമാക്കി ടെലിഫിലിം ഒരുങ്ങുന്നു. ധനവകുപ്പിലെ ഡെപ്യൂട്ടി സെക്രട്ടറിയും കമ്മീഷണറേറ്റിലെ തന്നെ ഫിനാൻസ് ഓഫീസറുമായ സന്തോഷ്‌ മാധവം രചനയും ഗാനങ്ങളും സംവിധാനവും നിർവഹിക്കുന്ന ടെലിഫിലിമിന്റെ ചിത്രീകരണം കൊല്ലത്തും പരിസരങ്ങളിലുമായി നടക്കും. മത്സരിക്കുന്നതെന്തിനു നാം വൃഥ എന്ന പേരിൽ നിർമ്മിക്കുന്ന ഹ്രസ്വചിത്രത്തിൽ നാടക ചലച്ചിത്ര നടൻ കെ. പി. എ. സി. ലീലാകൃഷ്ണൻ, മിനി ശ്രീകുമാർ, സുരഭി, സത്യപ്രസാദ് തുടങ്ങിയവർ പ്രധാന വേഷത്തിൽ അഭിനയിക്കുന്നു.