ഏതോ ഈര്ക്കില് സംഘടനയാണ്. അവരുടെ സംഘടനാശക്തി കൊണ്ടൊന്നുമല്ല ഇത് സംഭവിക്കുന്നത്. അവര്ക്ക് പിന്നില് ആരോ ഉണ്ടാകാം. സിപിഎം നേതാവ് എളമരം കരീം
ആശാവർക്കർമാരുടെ സമരത്തെ സിഐടിയു നേതാവ് എളമരം കരീം വീണ്ടും രംഗത്ത്.അദ്ദേഹം പറയുന്നത് ഈ സമരം ഒരു ഈർക്കിൽ സമരം ആണെന്നാണ് മാധ്യമങ്ങളുടെ ശ്രദ്ധ കിട്ടിയതോടുകൂടി സമരത്തിൽ ഏർപ്പെട്ടിരിക്കുന്ന ചില ആളുകൾ തെറ്റിദ്ധരിച്ചു ഞങ്ങൾ ചെയ്യുന്ന സമരം വലിയ സമരം എന്ന് ഇതൊന്നും ഒരു സമരമല്ല ഇത് ചില ആളുകൾ ബോധപൂർവ്വം സർക്കാരിനെ ഇകഴ്ത്താനുള്ള ശ്രമങ്ങളുടെ ഭാഗമാണ് എന്നാണ് അദ്ദേഹത്തിൻറെ വാദം.ആരോഗ്യമേഖലയെ പൂര്ണമായി സ്തംഭിപ്പിച്ചുകൊണ്ടുള്ള സമരത്തെ അനുകൂലിക്കാനാകില്ല. മുമ്പ് സിഐടിയു നിരവധി സമരങ്ങള് കേന്ദ്രസര്ക്കാര് ഓഫീസുകള്ക്കും പാര്ലമെന്റിനും മുന്നില് നടത്തി. കേന്ദ്ര തൊഴില് വകുപ്പുമായും ആരോഗ്യവകുപ്പുമായും ചര്ച്ച നടത്തിയപ്പോഴും ഇവര് തൊഴിലാളികളല്ല, വൊളണ്ടിയേഴ്സ് ആണെന്നാണ് കേന്ദ്രസര്ക്കാര് പറഞ്ഞത്. അതിനാല് ഇന്സെന്റീവ് മാത്രമേ നല്കാനാകൂ എന്നാണ് പറഞ്ഞത്.
ഈ സാഹചര്യത്തില് കേരള സര്ക്കാരിന് കഴിയാവുന്നത് സംസ്ഥാന സര്ക്കാര് ചെയ്തിട്ടുണ്ട്. ആശ വര്ക്കര്മാര്ക്ക് 7000 രൂപ വരെ ഓണറേറിയം നല്കുന്നത് കേരള സര്ക്കാര് കൂടി ചേര്ന്നിട്ടാണ്. കൂടാതെ, അവര് ചെയ്യുന്ന ഓരോ ജോലിക്കും പ്രത്യേക ഇന്സെന്റീവുകളുണ്ട്. ആശ വര്ക്കര്മാരുടെ ജോലിഭാരം കുറയ്ക്കണമെന്ന ആവശ്യത്തില്, എന്എച്ച്എം ഡയറക്ടര് ഇടപെട്ട് കുറയ്ക്കാമെന്ന് സമ്മതിച്ചിട്ടുണ്ട്.എന്എച്ച്എമ്മിന് കീഴില് ജോലി ചെയ്യുന്നവര് ആരോഗ്യ മേഖലയില് ജോലി ചെയ്യുന്നവരാണ്. ആരോഗ്യമേഖലയില് വളരെ കരുതലോടെയാണ് സിഐടിയു സമരം ചെയ്യുന്നത്. ആരോഗ്യമേഖലയെ സ്തംഭിപ്പിക്കുന്ന സമരത്തിലേക്ക് ഒരിക്കലും ട്രേഡ് യൂണിയനുകള് പോകാറില്ല. എന്നാല് ഈ സമരം ചെയ്യുന്നവര്ക്ക് അതൊന്നും അറിയില്ല. അവര് എന്തോ ചെയ്യുന്നുവെന്ന് എളമരം കരീം പറഞ്ഞു.സിഐടിയു ചെയ്യുന്ന സമരം മാത്രമാണോ വലിയ സമരം ബാക്കിയുള്ളവരൊക്കെ ചെയ്യുന്ന സമരങ്ങളൊക്കെ ഈർക്കിൽ സമരങ്ങൾ ആണോ അവരൊക്കെ ഈർക്കിൽ സംഘടനകൾ ആണോ എന്ന് ചോദ്യവും ചോദിക്കുന്നവരുണ്ട് എന്നാൽ ഇന്ന് സമരം എല്ലാ സംഘടനകളിൽ നിന്നും ആളുകൾ എത്തി നടത്തുന്ന സമരം ആണെന്ന് പറയുന്നവരും ഇല്ലാതില്ല കോൺഗ്രസും സമരത്തിന് അനുകൂലമായ നിലപാടുകൾ കൊണ്ട് സമരത്തെ തള്ളി പറയാൻ പാടില്ല എന്ന് പറഞ്ഞു. അങ്ങനെ കേരളത്തിലെ ഉറ്റമിക്ക ട്രേഡ് യൂണിയൻ സംഘടനകളും ഈ സമരത്തോട് ഐക്യദാർഢ്യം പ്രഖ്യാപിക്കുന്ന തരത്തിലേക്ക് പോകുമ്പോൾ സിഐടിയു മാത്രമാണ് ഇത്തരത്തിൽ ഒരുനിലപാട് കൈക്കൊള്ളുന്നത് എന്ന് പറയുന്നവരും ഉണ്ട് അണികൾ കൊഴിഞ്ഞു പോകുന്നത് അറിയാത്തവരായി മാറിയാൽ പിന്നീട് ദുഃഖിക്കേണ്ടിവരും എന്നുള്ളത് എല്ലാവരും ഓർക്കണം എന്ന് പറയുന്നവരും ഈ സമരത്തിന്റെ പാതയിൽ നിൽക്കുന്നുണ്ട്.ഏതു സംഘടന സമരം ചെയ്താലും സമരത്തെ സമരമായി തന്നെ കാണാൻ ട്രേഡ് പ്രസ്ഥാനങ്ങൾ തയ്യാറാകണം അതല്ലെങ്കിൽ വലിയ പ്രസ്ഥാനങ്ങൾ ചെറുതാവുകയും ചെറിയ പ്രസ്ഥാനങ്ങൾ വലുതാവുകയും ചെയ്യും എന്നുള്ളത് കാലഘട്ടത്തിൻറെ ഭാഗമാണ് എന്ന് നമുക്കൊക്കെ മനസ്സിലാക്കേണ്ടി വരും.
