“പോരാട്ടങ്ങൾക്ക് അവധി നല്കില്ല:ജയശ്ചന്ദ്രൻ കല്ലിംഗൽ”

സർക്കാർ ജീവനക്കാർ ഉൾപ്പെടെയുള്ള അദ്ധ്വാനിക്കുന്ന ജനവിഭാഗത്തിന് ലഭ്യമാകേണ്ട ന്യായമായ അവകാശങ്ങൾ സംരക്ഷിക്കാൻ ജോയിൻ്റ് കൗൺസിൽ എന്നും മുന്നിൽ ഉണ്ടാകുമെന്ന് ജോയിന്റ് കൗൺസിൽ ജനറൽ സെക്രട്ടറി ജയശ്ചന്ദ്രൻ കല്ലിംഗൽ അഭിപ്രായപ്പെട്ടു.കേരള സ്റ്റേറ്റ് വിമൺ ആൻ്റ് ചൈൽഡ് വെൽഫയർ ഓഫീസേഴ്സ് ഓർഗനൈസേഷന്റെ 15 – മത് സംസ്ഥാന സമ്മേളനം കോഴിക്കോട് ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം.The struggle never ends എന്ന മുദ്രാവാക്യം ഉയർത്തിയാണ് 2023 നവംബർ ഒന്നിന്ന് ആരംഭിച്ച സിവിൽ സർവീസ് സംരക്ഷണ പദയാത്ര ഡിസംബർ 7 ന് സമാപിച്ചത്. എല്ലാ വിഭാഗം ജീവനക്കാരും പദയാത്രയിൽ ഉന്നയിച്ച ആവശ്യങ്ങൾ ഒന്നിച്ച് ആവശ്യപ്പെടാൻ വീണ്ടും ഈ ഡിസംബർ 10 – 11 തീയതികളിൽ സെക്രട്ടറിയേറ്റിന് മുന്നിൽ ഒന്നിക്കുകയാണ്. ഈ സമരം വിജയിക്കേണ്ടത് ജീവനക്കാരുടെ മാത്രം ആവശ്യമല്ല . പൊതു സേവനങ്ങൾ നിലനിറുത്തുന്നതിനും അതു വഴി ഭരണഘടന ഉറപ്പു നല്കുന്ന തുല്യതയും നീതിയും സംരക്ഷിക്കുന്നതിനും കൂടിയുള്ള പോരാട്ടമാണിത്. ജനങ്ങളും ജീവനക്കാരും ഒന്നിക്കുന്ന പ്രക്ഷോഭമായി ഇത് മാറും. വനിതകൾ മാത്രം പണിയെടുക്കുന്ന മേഖലയിൽ ഉണ്ടാകുന്ന തെറ്റായ പ്രവണതകളെ ചെറുക്കാൻ ഐ സി ഡി എസ് സൂപ്പർവൈസർമാരോടൊപ്പം ജോയിൻ്റ് കൗൺസിൽ എപ്പോഴും ഉണ്ടാകുമെന്നും സമ്മേളനം ഉദ്ഘാടനം ചെയ്തു കൊണ്ട് ജയശ്ചന്ദ്രൻ കല്ലിംഗൽ പറഞ്ഞു.