ചവറ തെക്കും ഭാഗം പ്രാദേശിക റോഡുകളുടെ നിർമ്മാണം അശാസ്ത്രീയം.

കൊല്ലം: ചവറ ബ്ലോക്കിലേ ചവറ തെക്കുംഭാഗം ഗ്രാമ പഞ്ചായത്തിലെ പള്ളിക്കോടി, ദളവാപുരം വാർഡുകളിലേ വിവിധ റോഡ് നവീകരണ പദ്ധതികളിൽ ഉൾപ്പെടുത്തി നിർമ്മിച്ച ,പ്രാദേശിക റോഡുകളുടെ നിർമ്മാണം അശാസ്ത്രീയം.അറ്റകുറ്റപ്പണികൾ നടത്തിയ ടാർ റോഡുകൾ, കോൺക്രീറ്റ് റോഡുകൾ നിർമ്മാണ ശേഷം മാസങ്ങൾ പിന്നിടുമ്പോൾ പല സ്ഥലത്തും മഴ പെയ്തപ്പോൾ തന്നെ പൊടിഞ്ഞ് ഇളകുകയും, ഉപരിതല കോട്ടിംഗ് ഇളകുകയും ചെയ്യുന്നു.
വർക്ക് ടെൻഡർ ,വർക്ക് ഷെഡ്യൂൾ ,മെറ്റിരിയൽ മെഷർമെൻ്റ് ബുക്ക് (എം.ബുക്ക് ) വ്യവസ്ഥകൾ, മാനദണ്ഡങ്ങൾ ,ചട്ടങ്ങൾ പ്രകാര ആവശ്യമായ നിർമ്മാണ വസ്തുക്കൾ , ടാർ ,സിമൻ്റ് എന്നിവ ചേർക്കാതേയും ഗുണനിലവാരമില്ലാതേയും , ആവശ്യമായ  തട്ടിക്കൂട്ട് നിർമ്മാണമാണ് നടത്തിയത്, പള്ളിക്കോടി, മാക്രിക്കുന്ന് ,പനയ്ക്കറ്റോടി റോഡിൽ അര ഇഞ്ച് കനം പോലും ഇല്ലാതേ നിർമ്മിച്ച ടാർ റോഡ് പല ഭാഗത്തും ആദ്യ മഴയിൽ തന്നെ ഇളകി തകരാൻ തുടങ്ങി ,പഴയ റോഡിൻ്റെ ഭാഗങ്ങൾ തെളിഞ്ഞു വന്നിട്ടുള്ളതുമാണ്. ചുമതലപ്പെട്ട ത്രിതല ,വാർഡ്തല ജനപ്രതിനിധികൾ ,പഞ്ചായത്ത് പ്രസിഡൻ്റ്, സെക്രട്ടറി ,LSGD എഞ്ചീനീയർ ,ഓവർസീയർ എന്നിവരെ നാട്ടുകാർ പരാതികൾ അറിയിച്ചിട്ടും സമഗ്രമായ പരിശോധനകൾ ,നടപടികൾ ഉണ്ടായിട്ടില്ലായെന്നും ,തെക്കുംഭാഗം ഗ്രാമ പഞ്ചായത്തിൽ വിവിധ ത്രിതല പഞ്ചായത്ത് പദ്ധതികളിൽ പല വാർഡുകളിലും നടന്ന റോഡ് ,നടപ്പാത ,തുടങ്ങിയ പല നിർമ്മാണങ്ങൾ ,പദ്ധതികൾ ,നവീകരണങ്ങൾ, അറ്റകുറ്റപ്പണികൾ
ടെൻഡർ, വർക്ക് ഷെഡ്യൂൾ പ്രകാരം , ഗുണനിലവാരത്തിൽ അല്ലാ നിർമ്മാണം നടത്തിയിട്ടുള്ളതെന്നും, അശാസ്ത്രീയമായും ,ആവശ്യമായഗുണനിലവാരം ,മലിനജലം ഒഴുകി പോകാനുള്ള വഴികൾ ഇല്ലാതേയും കഴിഞ്ഞ കുറെക്കാലമായി നടക്കുന്ന വിവിധ നിർമ്മാണങ്ങളിൽ ,പദ്ധതികളിൽ വ്യാപകമായ ക്രമക്കേട് ,അഴിമതികൾ നടന്നുവരുന്നുണ്ടെന്നും നാട്ടുകാർ  അക്ഷേപങ്ങൾ ഉന്നയിക്കുന്നു.
തദ്ദേശവകുപ്പിൻ്റെയും,  പോലീസ് ,വിജിലൻസ് വിഭാഗങ്ങൾ സമാഗ്രമായ ശാസ്ത്രീയ പരിശോധകൾ  നടത്തണമെന്ന് നാട്ടുകാർ ആവശ്യപ്പെട്ടുന്നു.