ശബരിമല അന്താരാഷ്ട്ര വിമാന താവളം വേഗതയിൽ, പക്ഷേ സമരങ്ങൾ ആവേശത്തോടെ ആരംഭിക്കും.

പത്തനംതിട്ട: ശബരിമല ഗ്രീൻ ഫീൽഡ് അന്താരാഷ്ട്ര വിമാനത്താവള പദ്ധതിയുമായി ബന്ധപ്പെട്ട നടപടിക്രമങ്ങൾ വേഗത്തിൽ പുരോഗമിക്കുന്നു. സാമൂഹിക ആഘാത വിലയിരുത്തൽ (എസ്‌ഐ‌എ) പഠന റിപ്പോർട്ട് അവലോകനം ചെയ്യുന്നതിനായി രൂപീകരിച്ച വിദഗ്ദ്ധ സമിതി റിപ്പോർട്ട് അംഗീകരിച്ചു. സാമൂഹിക നീതി വകുപ്പിലെ മുൻ അഡീഷണൽ ഡയറക്ടർ പ്രതാപൻ അധ്യക്ഷനായ കമ്മിറ്റി കഴിഞ്ഞ ദിവസമാണ് സർക്കാരിന് നിർണായക റിപ്പോർട്ട് കൈമാറിയത്. വിമാനത്താവളം എത്തുന്നതോടെ സംസ്ഥാനത്തിനുണ്ടാകുന്ന സാമ്പത്തിക നേട്ടം വലുതാണെന്ന് കമ്മിറ്റി ചൂണ്ടിക്കാട്ടുന്നുണ്ട്.എന്നാൽ ഈ കമ്മിറ്റി റിപ്പോർട്ടിന്റെ അടിസ്ഥാനത്തിൽ സാമൂഹിക ആഘാത വിലയിരുത്തൽ പൂർണ്ണ മാകുമോ?വിമാനത്താവള പദ്ധതിക്കായി ഭൂമി ഏറ്റെടുക്കുന്നതോടെ പ്രദേശത്തെ ജനങ്ങളുടെ പുനരധിവാസത്തിന് അടിയന്തര നടപടി ഉണ്ടാകണമെന്ന് റിപ്പോർട്ടിൽ ശുപാർശ ചെയ്യുന്നുണ്ട്. പദ്ധതിക്കായി ഏറ്റെടുക്കുന്ന ചെറുവള്ളി എസ്റ്റേറ്റിൽ ജോലി ചെയ്യുന്ന തൊഴിലാളികൾക്ക് പ്രത്യേക പാക്കേജാണ് ശുപാർശ ചെയ്യുന്നത്. തൊഴിലാളികളിൽ പലരും അഞ്ച് തലമുറകളായി ഇവിടെ ജോലി ചെയ്യുന്നവരാണ്. പദ്ധതി എത്തുന്നതോടെ ഇവർക്ക് മറ്റ് ഇടങ്ങളിലേക്കോ നഗര പ്രദേശങ്ങളിലേക്കോ മാറേണ്ടിവരുമ്പോൾ തൊഴിൽ നഷ്ടം ഉൾപ്പെടെയുള്ള ബുദ്ധിമുട്ടുകൾ ഉണ്ടാകുമെന്ന് കമ്മിറ്റി നിരീക്ഷിച്ചു.ഭാരത മാതാ കോളേജിലെ സ്കൂൾ ഓഫ് സോഷ്യൽ വർക്കിലെ സംഘം തയ്യാറാക്കിയ എസ്‌ഐ‌എ റിപ്പോർട്ട് പ്രകാരം വിമാനത്താവള പദ്ധതി ചെറുവള്ളി എസ്റ്റേറ്റിലെ 238 കുടുംബങ്ങളെ ബാധിക്കുമെന്ന് വ്യക്തമാക്കുന്നുണ്ട്.