കണ്ണൂര്‍ എ.ഡി.എം നവീന്‍ബാബുവിന്റെ ആത്മഹത്യയുമായി ബന്ധപ്പെട്ട വിഷയങ്ങളില്‍ സമഗ്ര അന്വേഷണം നടത്തി യഥാര്‍ത്ഥ വസ്തുത പുറത്തു കൊണ്ടു വരണമെന്ന് കേരള റവന്യൂ ഡിപ്പാര്‍ട്ടുമെന്റ് സ്റ്റാഫ് അസോസിയേഷന്‍. എ.ഡി.എം ന്റെ ആത്മഹത്യയ്ക്ക് കാരണക്കാരായവരെ നിയമത്തിന് മുന്നില്‍ കൊണ്ട് വരണമെന്ന ആവശ്യം ഉന്നയിച്ച് കെ.ആര്.ഡി.എസ്.എ യുടെ ആഭിമുഖ്യത്തില്‍ സംസ്ഥാന വ്യാപകമായി പ്രകടനവും പ്രതിഷേധ ധര്‍ണയും സംഘടിപ്പിച്ചു. തിരുവനന്തപുരത്ത് ലാന്‍ഡ് റവന്യൂ കമ്മീഷണറേറ്റില്‍ നടന്ന പ്രതിഷേധ ധര്‍ണ സംസ്ഥാന പ്രസിഡന്റ് പി.ശ്രീകുമാര്‍ ഉദ്ഘാടനം ചെയ്തു. അഴിമതിക്കെതിരെ ശക്തമായ നിലപാട് പുലര്‍ത്തുന്ന സംഘടനയാണ് കെ.ആര്.ഡി.എസ്.എ. എന്നാല്‍ അഴിമതി കണ്ടെത്തുന്നതിനും, തടയുന്നതിനും വ്യവസ്ഥാപിത മാര്‍ഗ്ഗങ്ങള്‍ നിലവിലുള്ളപ്പോള്‍ അത്തരം മാര്‍ഗങ്ങള്‍ അവലംബിക്കാതെ വ്യക്തിഹത്യയിലൂടെ വിലകുറഞ്ഞ പ്രശസ്തിക്കായി നടത്തുന്ന ഇത്തരം ആരോപണങ്ങള്‍ ആര് നടത്തിയാലും അംഗീകരിക്കാനാകില്ലെന്ന് ധര്‍ണ ഉദ്ഘാടനം ചെയ്തു കൊണ്ട് സംസ്ഥാന പ്രസിഡന്റ് പി.ശ്രീകുമാര്‍ അഭിപ്രായപ്പെട്ടു. കൈക്കൂലി വാങ്ങുന്നത് പോലെ തന്നെ കൈക്കൂലി നല്‍കുന്നത് ശിക്ഷാര്‍ഹമാണെന്ന നിയമം ഇവിടെ പ്രസക്തമാണെന്നും അതിനാല്‍ ഇക്കാര്യത്തില്‍ സമഗ്ര അന്വേഷണം ആവശ്യമാണെന്നും അദ്ദേഹം പറഞ്ഞു. സംസ്ഥാനത്തെ എല്ലാ താലൂക്ക് കേന്ദ്രങ്ങളിലും കളക്ടറേറ്റുകളിലും മറ്റ് പ്രധാന കേന്ദ്രങ്ങളിലും നടന്ന പ്രതിഷേധ ധര്‍ണയ്ക്ക് കെ.ആര്.ഡി.എസ്.എ സംസ്ഥാന നേതാക്കളായ ജെ.ഹരിദാസ്, എസ്.പി.സുമോദ്, സി.എ.അനീഷ്, എസ്.കെ.എം.ബഷീര്‍, ആര്.സിന്ധു, വി.എച്ച്.ബാലമുരളി, എ.ഗ്രേഷ്യസ്, ബിന്ദുരാജന്‍, ബി.സുധര്‍മ്മ, ഡി.ബിനില്‍, ഹുസൈന്‍ പതുവന, പി.ഷാനവാസ്, എം.ജെ.ബെന്നിമോന്‍, സതീഷ്.കെ.ഡാനിയേല്‍, എം.എസ്.അനില്‍കുമാര്‍, കെ.രാജന്‍ എന്നിവര്‍ നേതൃത്വം നല്‍കി.
കാഞ്ഞിരപ്പള്ളി :പാറത്തോട് ചിറഭാഗത്ത് സോമനാഥൻ നായർ ( 84) ഭാര്യ സരസമ്മ (70) മകൻശ്യാം നാഥ് (31) എന്നിവരാണ് മരിച്ചത്ദമ്പതികളുടെ…
വയനാട്ടിൽ സിപിഐക്കെതിരെ സ്ഥാനാർത്ഥിയെ നിർത്തുന്നത് കോൺഗ്രസിന്‍റെ പക്വതയില്ലായ്മ ആണെന്നും ,ഹരിയാനയിലും വയനാട്ടിലും കോണ്‍ഗ്രസ് രാഷ്ട്രീയ വിവേകം കാണിക്കുന്നില്ലെന്ന് സിപിഐ സംസ്ഥാന…
കൊല്ലം: തൃക്കടവൂര്‍ ശ്രീമഹാദേവര്‍ ക്ഷേത്രത്തില്‍ നടക്കുന്ന ദേവപ്രശ്ന പരിഹാര ക്രിയകളുടെ ഭാഗമായി ഭഗവാന്റെ ശിവലിംഗം തങ്കത്തില്‍ വാര്‍ത്തുകെട്ടുന്നതിനാവശ്യമായ തങ്കം നാളെ…
തിരുവനന്തപുരം: കേരളത്തിലെ എല്ലാ തീരദേശ ജില്ലകളിലും കനത്ത ജാഗ്രത വേണമെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം. കഴിഞ്ഞ ദിവസം പ്രഖ്യാപിച്ച…
എടത്വ: ചുരുങ്ങിയ സമയം കൊണ്ട് ലോക ശ്രദ്ധ നേടിയ മൊട്ട ഗ്ലോബൽ കൂട്ടായ്മയുടെ 'സ്റ്റോപ്പ് ബോഡി ഷെയിം ക്യാമ്പയിൻ' സമാപനം…
പാലക്കാട്: കുഞ്ഞാലിയെ കൊലപ്പെടുത്തിയ ആര്യാടൻ മുഹമ്മദിനെ ഞങ്ങൾ സ്ഥാനാർത്ഥിയാക്കിയിട്ടുണ്ട്. അതാത് സമയത്ത് രാഷ്ട്രീയ സാഹചര്യം നോക്കിയാണ് സ്ഥാനാർത്ഥിയാക്കുക. സരിനെ നിര്‍ത്തിയാല്‍…