തിരുവനന്തപുരം: വയനാട് ഉരുൾപൊട്ടൽ ദുരന്തത്തിന്റെ പശ്ചാത്തലത്തില് മുഖ്യമന്ത്രിയുടെ ദുരിതാശ്വാസ നിധിയിലേക്ക് ആരും പണം നല്കരുതെന്ന് പ്രതിപക്ഷ നേതാവ് ആഹ്വാനം ചെയ്തന്ന തരത്തില് സമൂഹമാധ്യമങ്ങളില് വ്യാജ പ്രചരണം നടത്തുന്നതിനെതിരെ പരാതി. പ്രതിപക്ഷ നേതാവിന്റെ ഓഫീസ് സംസ്ഥാന പൊലീസ് മേധാവിക്കാണ് പരാതി നല്കിയത്.
നാട് ഒറ്റക്കെട്ടായി ഒരു ദുരന്തത്തിനെതിരെ പോരാടുമ്പോള് ജനങ്ങള്ക്കിടയില് രാഷ്ട്രീയ വേര്തിരിവ് ഉണ്ടാക്കുകയെന്ന ലക്ഷ്യത്തോടെയാണ് ഇത്തരം വ്യാജപ്രചരണങ്ങള് നടത്തുന്നതെന്ന് പരാതിയിൽ പറയുന്നു.
പ്രതിപക്ഷ നേതാവിന്റെ പേരില് വ്യാജ വാര്ത്ത സൃഷ്ടിക്കുകയും അത് പ്രചരിപ്പിച്ചവർക്കെതിരെയും അടിയന്തിരമായി നിയമ നടപടി വേണമെന്ന് പ്രതിപക്ഷ നേതാവിന്റെ പ്രൈവറ്റ് സെക്രട്ടറി നല്കിയ പരാതിയില് ആവശ്യപ്പെട്ടു.
Discover more from News12 india malayalam
Subscribe to get the latest posts sent to your email.
