ഒളിഞ്ഞുനോട്ടം കള്ളൻ കപ്പലിൽ തന്നെ സി.സി ടിവി ദൃശ്യങ്ങൾ ഉള്ള കാര്യം അറിഞ്ഞിരുന്നില്ല.

കോഴിക്കോട്: വീടുകളിൽ ഒളിഞ്ഞുനോട്ടം പതിവായതോടെ നാട്ടുകാർ ചേർന്ന് ആളെ കണ്ടുപിടിക്കുന്നതിനായി വാട്സ്ആപ്പ് ഗ്രൂപ്പിൽ അന്വേഷണം തുടങ്ങി. ദിവസങ്ങൾ നീണ്ട തിരച്ചിലിനിടയിൽ സിസിടിവിയിൽ കുടുങ്ങിയ വിരുതനെ കണ്ട് നാട്ടുകാർ ഞെട്ടി. വാട്സ്ആപ്പ് ഗ്രൂപ്പിൻറെ അഡ്മിൻ തന്നെയായിരുന്നു വീഡിയോയിൽ ഉള്ളത്.

കോഴിക്കോട് കൊരങ്ങാട് ആണ് സംഭവം.രാത്രികാലത്ത് മതിൽ ചാടിക്കടന്ന് കിടപ്പുമുറിയൽ ഒളിഞ്ഞുനോട്ടം സഹിക്കാനാകാതെ വന്നതോടെ പ്രദേശവാസികൾ സംഘടിച്ച് തിരച്ചിൽ തുടങ്ങിയത് .തിരച്ചിൽ ഏകോപിക്കാൻ ലക്ഷ്യമിട്ട് വാട്സ്ആപ്പ് ഗ്രൂപ്പ് രൂപീകരിച്ചു .ഏറെ ദിവസങ്ങൾ തിരഞ്ഞെങ്കിലും ആളെ കണ്ടെത്താനായില്ല ഇതിനിടെ ഒരു വീട്ടിലെ സിസിടിവി ഒളിഞ്ഞുനോട്ടക്കാരൻ്റെ ദൃശ്യം പതിഞ്ഞു.  വീഡിയോ പരിശോധിച്ചപ്പോഴാണ് കള്ളൻ കപ്പലിൽ തന്നെയെന്ന്നാട്ടുകാർ തിരിച്ചറിഞ്ഞത്. വാട്സ്ആപ്പ് ഗ്രൂപ്പിൻറെ അഡ്മിൻ ആയ യുവാവ് ഗ്രൂപ്പിലെ ചർച്ചകൾ മനസ്സിലാക്കിയാണ് ഓരോ വീടുകളിലും കയറിയിറങ്ങുന്നത് .ആ വീട്ടിൽ സിസിടിവി ഉള്ളത് യുവാവിന്റെ ശ്രദ്ധയിൽ പതിഞ്ഞില്ല.പരാതിയില്ലാത്തതിനാൽ പോലീസ് കേസെടുത്തില്ല.