മെമുട്രെയിനിലെ ദുരിതയാത്ര, നിന്നു തിരിയാൻ ഇടമില്ല, ക്രോസിംഗിൻ്റെ പേരിൽ പിടിച്ചിടുന്നു.

ആലപ്പുഴ: മെമു ട്രെയിനിൽ യാത്ര ദുരിതം പേറി യാത്രക്കാർ. യാത്രക്കാരുടെ തിരക്ക് വർദ്ധിച്ചതോടെ നിന്നു തിരിയാൻ ഇടമില്ലാതെ സ്ത്രീകളും വിദ്യാർത്ഥികളും ദുരിതത്തിലാകുന്നു. ഇതുമൂലം യാത്രക്കാർ കുഴഞ്ഞുവീഴുന്നതും പതിവാണ്. തുറവൂർ – അരൂർ ഉയരപാത നിർമ്മാണം നടക്കുന്നതിനാൽ ബസ്സ് യാത്രക്കാരും മെമു വിനെ ആശ്രയിക്കുന്നതാണ് തിരക്കിന് കാരണം. പിന്നെ ക്രോസിംഗിൻ്റെ പേരിൽ സ്റ്റേഷനുകളിൽ പിടിച്ചിടുന്നതാണ് യാത്രക്കാരെ വലയ്ക്കുന്നത്. തുച്ഛമായ വരുമാനത്തിൽ ജോലി ചെയ്യുന്നവർ വരെ ഈ മെമുവിനെ തേടി യാത്ര ചെയ്യാൻ എത്തുന്നത്. അധികാരികൾ ഇടപെടണമെന്നാണ് യാത്രക്കാർ പരാതിപ്പെടുന്നത്.ആലപ്പുഴ എറണാകുളം മെമുവിൻ്റേതാണ് ഈ ദുർഗതി. വൈകിട്ട് എറണാകുളത്തു നിന്നു കായംകുളം വരുന്ന പാസഞ്ചർ ട്രെയിനിൻ്റെ കാര്യത്തിലും ഇതുതന്നെ ഫലം. വന്ദേഭാരത് പോകുന്നതിനായി ദുരിതത്തിലാകുന്നത് ഞങ്ങളാണ്എന്നതാണ് ഇവർ പരാതിപ്പെടുന്നത്.