എല്ലാവർക്കും സുന്ദരികളായ എയർ ഹോസ്റ്റസ്സുമാരെ മാത്രമാണിഷ്ടം, കഷ്ടമേ പൈലറ്റുമാർ, വൈറലായി കുറിപ്പ്.

വിമാനത്താവളത്തിൽ എത്തിയാൽ പിന്നെ സുന്ദരികളായ എയർ ഹോസ്റ്റസ്സുമാരെ മാത്രം പരിഗണിക്കുന്നവരെ ഓർമ്മപ്പെടുത്തുന്ന ഒരു സോഷ്യൽ മീഡിയ പോസ്റ്റുമായി വ്യവസായിയും നിർമ്മാതാവുമായ ജോളി ജോസഫ്. നിങ്ങൾക്ക് സുന്ദരികളായ എയർ ഹോസ്റ്റസ്സുമാരെ ഇഷ്ടമായേക്കാം. എന്നാൽ നിങ്ങൾ അറിയേണ്ട ചില കാര്യങ്ങൾ എന്ന പേരിൽ രസകരമായ ഒരു കുറിപ്പ് പങ്കുവെച്ചിരിക്കുകയാണ് ജോളി ജോസഫ്. പൈലറ്റ് എന്ന് പൊതുവേ പറയുമെങ്കിലും സ്ട്രെപ്പുകളുടെ എണ്ണമനുസരിച്ചാണ് അവരുടെ റാങ്ക് നിശ്ചയിച്ചിട്ടുള്ളതെന്ന കാര്യം ജോളി ജോസഫ് തന്റെ കുറിപ്പിൽ പറഞ്ഞിരിക്കുന്നു.

ആ കുറിപ്പ് ഇങ്ങനെ:
പൈലറ്റുമാരുടെ യൂണിഫോമിലെ സ്ട്രൈപ്പുകളുടെ എണ്ണം അവരുടെ റാങ്കിനെയാണ് സൂചിപ്പിക്കുന്നത്. പരിശീലന ക്യാപ്റ്റൻ / ക്യാപ്റ്റൻ / സീനിയർ ഫസ്റ്റ് ഓഫീസർ / ഫസ്റ്റ് ഓഫീസർ / സെക്കന്റ് ഓഫീസർ / കേഡറ്റ് ട്രെയിനി, അങ്ങിനെയങ്ങിനെ ..!

(1 ) പരിശീലന ക്യാപ്റ്റൻ, സാധാരണ വാണിജ്യ ക്യാപ്റ്റൻ റാങ്കിനേക്കാൾ സീനിയറാണെങ്കിലും, ബഹുഭൂരിപക്ഷം എയർലൈനുകളിലും ഇരുവർക്കും 4 എണ്ണം സ്ട്രൈപ്പുകൾ നൽകുന്നുണ്ട്.

(2 ) ക്യാപ്റ്റൻ അഥവാ പൈലറ്റ് : ആത്യന്തികമായി വിമാനത്തിന്റെ ചുമതലയുള്ളയാൾ ,അവരുടെ യൂണിഫോമിൽ 4 എണ്ണം സ്ട്രൈപ്പുകൾ ധരിക്കുന്നു.

(3 ) സീനിയർ ഫസ്റ്റ് ഓഫീസർ അഥവാ കോ-പൈലറ്റ് : ക്യാപ്റ്റൻ ആയി സ്ഥാനക്കയറ്റം ലഭിക്കേണ്ട ഓഫീസർക്ക് അവരുടെ യൂണിഫോമിൽ 3 സ്ട്രൈപ്പുകൾ ഉണ്ടാകും.

(4 ) ഫസ്റ്റ് ഓഫീസർ സാധാരണയായി എയർലൈനിനെ ആശ്രയിച്ച് 2 അല്ലെങ്കിൽ 3 സ്ട്രൈപ്പുകൾ ധരിക്കുന്നു. ചിലർക്ക് 2-ൽ നിന്ന് ആരംഭിക്കുകയും സീനിയർ ഫസ്റ്റ് ഓഫീസറായി സ്ഥാനക്കയറ്റം ലഭിക്കുമ്പോൾ 3 മാത്രമേ ലഭിക്കകയുള്ളൂ ..ചില ഫസ്റ്റ് ഓഫീസർമാർ
പ്രത്യേകിച്ച് ലോംഗ് ഹോൾ എയർലൈനുകളിൽ ചേരുന്ന ദിവസം മുതൽ 3 സ്ട്രൈപ്പുകൾ ധരിക്കും.

(5 ) സെക്കന്റ് ഓഫീസർ അഥവാ ക്രൂയിസ് റിലീഫ് പൈലറ്റ് : ചില എയർലൈനുകൾ സെക്കൻഡ് ഓഫീസറുടെ റോൾ ഉപയോഗിക്കുന്നു. അദ്ദേഹത്തിന് സാധാരണയായി 2 സ്ട്രൈപ്പുകൾ ഉണ്ടാകും.

(6) കേഡറ്റ്/ട്രെയിനി പൈലറ്റ് : ഒരു കൊമേഴ്‌സ്യൽ പൈലറ്റ് ലൈസൻസ് (സിപിഎൽ) കൈവശം വയ്ക്കുമ്പോൾ പലപ്പോഴും 1 സ്ട്രൈപ്പും തുടർന്ന് അവരുടെ ഇൻസ്ട്രുമെന്റ് റേറ്റിംഗ് (ഐആർ) പൂർത്തിയാകുമ്പോൾ 2 സ്ട്രൈപ്പുകളും ധരിക്കും. ചില ഫ്ലൈറ്റ് സ്കൂളുകൾ , ഒരു വാണിജ്യ വിമാനം പോലും പ്രവർത്തിച്ചിട്ടില്ലാത്ത അവരുടെ ട്രെയിനി പൈലറ്റുമാർക്ക് 3 സ്ട്രൈപ്പുകൾ നൽകുന്നു.