വയനാട് ഉരുൾപൊട്ടൽ ദുരിതത്തിൽ ദുരിതബാധിതർക്ക് സ്വന്തം ഭൂമി വിട്ടു നൽകാൻ ധനകാര്യ മന്ത്രിയെ നേരിൽക്കണ്ട് സന്നദ്ധത അറിയിച്ച് വയനാട് സ്വദേശി അജിഷ ഹരിദാസ് .
ചൂരൽമല ഉരുൾപൊട്ടലിൽ ദുരിതമനുഭവിക്കുന്നവർക്ക് വീട് വയ്ക്കുവാനായി തന്റെപേരിലുള്ള സ്ഥലം സർക്കാരിലേക്ക് വിട്ടുനൽകാനുള്ള സന്നദ്ധത ധനമന്ത്രി കെ എൻ ബാലഗോപാലിനെ കൊട്ടാരക്കര എം എൽ എ ഓഫീസിലെത്തി അറിയിച്ചു .
വയനാട് കോട്ടത്തറ സ്വദേശിയായ അജിഷ നിലവിൽ തൃശൂർ പാറമേക്കാവ് കെ എസ് എഫ് ഈ ബ്രാഞ്ചിൽ സ്പെഷ്യൽ ഗ്രേഡ് അസിസ്റ്റന്റ് ആയി ജോലിചെയ്തു വരികയാണ്. കർഷക കുടുംബത്തിൽ ജനിച്ച അജിഷ 2009 ൽ അച്ഛൻ ജയചന്ദ്രനും അമ്മ ഉഷ കുമാരിക്കും വീടുവയ്ക്കുന്നതിനായി വയനാട് കമ്പളക്കാട് വാങ്ങിയ 20 സെന്റ് സ്ഥലമാണ് ഇപ്പോൾ ദുരിതബാധിതർക്ക് വീട് വയ്ക്കാനായി സർക്കാരിലേക്ക് വിട്ടു നൽകുന്നത് . അച്ഛനും അമ്മയും സഹോദരന്റെ വീട്ടിൽ സുരക്ഷിതരായതുകൊണ്ടാണ് ഒരു രാത്രി പുലരവേ വയനാട്ടിൽ എല്ലാം നഷ്ടപെട്ടവർക്കായി തന്റെ പേരിലുള്ള ഭൂമി നൽകാം എന്ന തീരുമാനത്തിലേക്ക് അജിഷയും ഭർത്താവ് ഹരിദാസും എത്തിയത് .
നേരത്തെ സ്വകാര്യ ചാനൽ പരിപാടിയിൽ ഫോൺ മുഖാന്തിരം ധനമന്ത്രിയെ ഭൂമിനൽകാനുള്ള സന്നദ്ധത അറിയിച്ചിരുന്നു .
തകർക്കാൻ ശ്രമിച്ചപ്പോൾ ഒക്കെയും കേരളം തളരാതെ മുന്നേറുന്നത് ഇതുപോലെയുള്ള ജനതയുടെ കരുത്തിൽ ആണെന്ന് അജിഷയെ അഭിനന്ദിച്ചു മന്ത്രി പറഞ്ഞു . എത്രയൊക്കെ കുപ്രചരണങ്ങൾ ഉണ്ടായാലും സത്യം തിരിച്ചറിഞ്ഞു കൂടെ നിൽക്കുന്നവരാണ് എന്നും മലയാളികൾ . നാടിനു ഒരു ആപത്തു വന്നപ്പോൾ നാനാദിക്കിൽ നിന്നും സി എം ഡി ആർ എഫിലേക്ക് ഒഴുകിയെത്തുന്ന സഹായങ്ങൾ അതിന്റെ നേർസാക്ഷ്യമാണ് എന്നും അദ്ദേഹം പറഞ്ഞു .
ഭർത്താവ് ഹരിദാസിനും മകൻ അഞ്ചര വയസ്സുകാരൻ ഹരേശ്വറിനും ഒപ്പമാണ് മന്ത്രിയെ കണ്ട് ഭൂമിനൽകാനുള്ള തീരുമാനം അറിയിച്ചത്.
ഓഗസ്റ്റ് 12 ന് തിരുവനന്തപുരത്ത് എത്തി മുഖ്യമന്ത്രിക്ക് വസ്തുവിന്റെ രേഖകൾ കൈമാറും.
കർഷകർ, കാർഷിക സംരംഭകർ, കാർഷിക സ്റ്റാർട്ടപ്പുകൾ, ഫാർമേഴ്സ് പ്രൊഡ്യൂസർ ഓർഗനൈസേഷനുകൾ (FPO), സ്വയം സഹായ സംഘങ്ങൾ, ഇതര സഹകരണ സംഘങ്ങൾ…
കായംകുളം:കൊല്ലം എക്സൈസ് എൻഫോഴ്സ്മെന്റ് ആൻഡ് ആന്റി നർകോട്ടിക് സ്പെഷ്യൽ സ്ക്വാഡ് ടീം ഓച്ചിറ മേമന ഭാഗത്തു നടത്തിയ പരിശോധനയിൽ 104.…
പാലക്കാട്: സിപിഎം ആവശ്യപ്പെട്ടാൽ പാർട്ടി അംഗത്വം സന്തോഷത്തോടെ സ്വീകരിക്കുമെന്നും പാലക്കാട് ഉപതെരഞ്ഞെടുപ്പിൽ യുഡിഎഫും എൽഡിഎഫും തമ്മിലാണ് മത്സരമെന്നും ഡോ. പി…
കാഞ്ഞിരപ്പള്ളി :പാറത്തോട് ചിറഭാഗത്ത് സോമനാഥൻ നായർ ( 84) ഭാര്യ സരസമ്മ (70) മകൻശ്യാം നാഥ് (31) എന്നിവരാണ് മരിച്ചത്ദമ്പതികളുടെ…
വയനാട്ടിൽ സിപിഐക്കെതിരെ സ്ഥാനാർത്ഥിയെ നിർത്തുന്നത് കോൺഗ്രസിന്റെ പക്വതയില്ലായ്മ ആണെന്നും ,ഹരിയാനയിലും വയനാട്ടിലും കോണ്ഗ്രസ് രാഷ്ട്രീയ വിവേകം കാണിക്കുന്നില്ലെന്ന് സിപിഐ സംസ്ഥാന…
കൊല്ലം: തൃക്കടവൂര് ശ്രീമഹാദേവര് ക്ഷേത്രത്തില് നടക്കുന്ന ദേവപ്രശ്ന പരിഹാര ക്രിയകളുടെ ഭാഗമായി ഭഗവാന്റെ ശിവലിംഗം തങ്കത്തില് വാര്ത്തുകെട്ടുന്നതിനാവശ്യമായ തങ്കം നാളെ…