തൊഴിൽ കോഡുകൾ പിൻവലിക്കണം; മെയ് 20 ന് പൊതുപണിമുടക്കിന്*
എൻഡിഎ സർക്കാർ തൊഴിലാളിദ്രോഹ നടപടികൾ തീവ്രമാക്കിയതിൽ പ്രതിഷേധിച്ച്‌ മെയ് 20ന് രാജ്യവ്യാപക പൊതുപണിമുടക്ക്‌ പ്രഖ്യാപിച്ച്‌ സംയുക്ത ട്രേഡ്‌ യൂണിയനുകൾ. തുറമുഖങ്ങൾ, ഫാക്‌റികൾ, വൈദ്യുതി മേഖല , പൊതുഗതാഗതം തുടങ്ങി സമസ്‌ത മേഖലകളും സ്‌തംഭിപ്പിക്കും. ചൊവ്വാഴ്ച ഡൽഹിയിൽ സംഘടിപ്പിച്ച ദേശീയ കൺവൻഷന്റേതാണ്‌ ആഹ്വാനം. മേയ്‌ മൂന്നിന്‌ പണിമുടക്ക്‌ നോട്ടീസ്‌ നൽകും.
തൊഴിലാളി അവകാശങ്ങൾ ഇല്ലാതാക്കുന്ന ലേബർ കോഡുകൾ ഉപേക്ഷിക്കുക, ഇന്ത്യൻ ലേബർ കോൺഫറൻസ്‌ വിളിച്ചുചേർക്കുക, പൊതുമേഖലയിലെ സ്വകാര്യവൽക്കരണം അവസാനിപ്പിക്കുക തുടങ്ങിയ ആവശ്യങ്ങളുന്നയിച്ചാണ്‌ പണിമുടക്ക്‌. ഏപ്രിലിനുള്ളിൽ ജില്ല–-സംസ്ഥാന കൺവൻഷനുകൾ പൂർത്തിയാക്കുന്നതിനൊപ്പം പദയാത്രകൾ, വാഹനറാലികൾ തുടങ്ങി ബഹുമുഖ പ്രചാരണ പരിപാടികൾ നടത്തും. സിഐടിയു, ഐഎൻടിയുസി, എച്ച്എംഎസ്, എഐയുടിയുസി, ടിയുസിസി, സേവ, എഐസിസിടിയു, എൽപിഎഫ്‌, യുടിയുസി എന്നീ ഒമ്പത്‌ കേന്ദ്രട്രേഡ്‌ യൂണിയനുകളും മറ്റ്‌ അനുബന്ധ സംഘടനകളുമാണ്‌ പണിമുടക്കിന്‌ ആഹ്വാനം ചെയ്‌തത്‌. സംയുക്ത ട്രേഡ്‌ യൂണിയനുകൾ മുന്നോട്ടുവച്ച 17ഇന ബദൽ നിർദേശങ്ങളിൽ ഊന്നിയാകും പ്രക്ഷോഭങ്ങൾ.
തൊഴിലുപ്പ്‌ പദ്ധതിയിൽ 200 തൊഴിൽ ദിനങ്ങളെങ്കിലും ഉറപ്പാക്കണം, പഴയപെൻഷൻ പദ്ധതി പുന:സ്ഥാപിച്ച്‌ 9000 രൂപ മിനിമം പെൻഷൻ നൽകണം, കാവിവൽക്കരണം ലക്ഷ്യമിട്ടുള്ള പുതിയ വിദ്യഭ്യാസനയം പിൻവലിക്കണം, കർഷകരുടെ ആവശ്യങ്ങൾ അംഗീകരിക്കണം തുടങ്ങിയവയും പ്രമേയത്തിലൂടെ ആവശ്യപ്പെട്ടു. ഐഎൻടിയുസി നേതാവ് അശോക് സിങ്‌, ഐഐടിയുസി ജനറൽ സെക്രട്ടറി അമർജീത്‌ കൗർ,സി. ഐ ടി യു നേതാവ് തപൻ സിംഗ് എച്ച്എംഎസ് നേതാവ് ഹർഭജൻ സിങ്‌ തുടങ്ങിയ നേതാക്കൾ സംസാരിച്ചു. ഐഎൻടിയുസി നേതാവ് ഒ എസ്‌എസ്‌ തോമർ അധ്യക്ഷതവഹിച്ചു. 14 ഓളം തൊഴിലാളി സംഘടനകളുടെ നേതാക്കൾ പങ്കെടുത്തു വിവിധ സംസ്ഥാനങ്ങളിൽ നിന്ന് ആയിരക്കണക്കിന് തൊഴിലാളികൾ കൺവെൻഷനിൽ പങ്കെടുത്തു.
പന്തളത്തിനടുത്ത് ചേരിക്കൽ എന്നൊരു ഗ്രാമമുണ്ട്. പാവങ്ങളായ മണ്ണിന്റെ മക്കളുടെ നാടായിരുന്നു ഒരിക്കലിവിടം. ഇന്നും നാട്ടുനന്മയുടെ അംശങ്ങൾ ഇവിടെ അവശേഷിക്കുന്നുണ്ട്. പണ്ടൊരിക്കൽ…
ഇലോൺ മസ്കിന്റെ ഉടമസ്ഥതയിലുള്ള സ്റ്റാർലിങ്കിന് സാറ്റലൈറ്റ് സ്പെക്ട്രം അനുവദിക്കുന്നത് നിയമവിരുദ്ധവും ദേശീയ സുരക്ഷയ്ക്ക് ഭീഷണിയുമാണെന്ന് സിപിഐ കേന്ദ്ര സെക്രട്ടേറിയറ്റ്. രാജ്യത്ത്…
*ശമ്പള പരിഷ്കരണ കമ്മീഷനെ ഉടൻ നിയമിക്കുക ജോയിന്റ് കൗൺസിൽ -* പന്ത്രണ്ടാം ശമ്പള പരിഷ്കരണ നടപടികൾ ഉടൻ ആരംഭിക്കുന്നതിന് ശമ്പള…
വിഴിഞ്ഞം അന്താരാഷ്ട്ര തുറമുഖ പദ്ധതിയുമായി ബന്ധപ്പെട്ട് വിഴിഞ്ഞം തുറമുഖത്തെ ബാലരാമപുരം റെയിൽവേ സ്റ്റേഷനുമായി ബന്ധിപ്പിക്കുന്ന ഭൂഗർഭ റെയിൽപാത നിർമിക്കുന്നതിന് കൊങ്കൺ…
എല്ലാ ജില്ലകളിലും മുഖ്യമന്ത്രി പങ്കെടുക്കും. ഏപ്രിൽ 21ന് കാസർഗോഡ് നിന്ന് ആരംഭിച്ച് മെയ് 21ന് തിരുവനന്തപുരത്ത് സമാപിക്കുന്ന രീതിയിലാണ് മുഖ്യമന്ത്രിയുടെ…
കൊല്ലം കോര്‍പറേഷനിലെ തീരദേശങ്ങളില്‍ കെട്ടിക്കിടക്കുന്ന മാലിന്യങ്ങള്‍ ശേഖരിച്ച് സംസ്‌കരിക്കാന്‍ കര്‍മപദ്ധതിയായി. ജില്ലാ കളക്ടര്‍ എന്‍. ദേവിദാസിന്റെ അധ്യക്ഷതയില്‍ ചേര്‍ന്ന യോഗത്തിലാണ്…