ക്വിലോണ് ഒഡിസ്സി കരിയര് എക്സ്പോ സംഘടിപ്പിച്ചു
പുതുതലമുറയുടെ മാനവ വിഭവശേഷി പരമാവധി പ്രയോജനപെടുത്തുന്ന തൊഴില് സാധ്യതകള് തുറന്നു നല്കേണ്ടത് നാടിന്റെ വളര്ച്ചയ്ക്ക് ഒഴിവാക്കാനാവാത്തതെന്ന് മൃഗസംരക്ഷണ ക്ഷീര വികസന വകുപ്പ് മന്ത്രി ജെ. ചിഞ്ചുറാണി. ചവറ ഐ ഐ ഐ സി യില് ജില്ലാ ഭരണകൂടത്തിന്റെ നേതൃത്വത്തില് സംഘടിപ്പിച്ച ‘ക്വിലോണ് ഒഡിസ്സി’ കരിയര് എക്സ്പോ ഉദ്ഘാടനം ചെയ്യുകയായിരുന്നു മന്ത്രി. മത്സരാധിഷ്ഠിതമായ കാലത്ത് ഓരോരുത്തരുടെയും കഴിവിന് അനുസൃതമായ തൊഴില് ലഭ്യമാക്കുക എന്നതാണ് ലക്ഷ്യം. ആ ലക്ഷ്യത്തിനു വഴി ഒരുക്കാന് ഇത്തരം കരിയര് എക്സ്പോകള്ക്ക് സാധിക്കണം. ഈ അവസരം പൂര്ണമായും എല്ലാവരിലേക്കും എത്തുകയും വിനിയോഗിക്കുകയും ചെയ്യുന്നു എന്ന് ഉറപ്പാക്കണം. സ്വദേശത്തും വിദേശത്തും തൊഴില് അന്വേഷകരായിട്ടുള്ളവര്ക്ക് തൊഴില് സാദ്ധ്യതകള് അറിയുന്നതിന് കരിയര് എക്സ്പോ സഹായകരമാകുമെന്നും മന്ത്രി പറഞ്ഞു. ഇത്തരത്തില് ഒരു ആശയം നടപ്പിലാക്കിയ ജില്ലാ ഭരണകൂടത്തെ മന്ത്രി അഭിനന്ദിച്ചു. ഡോ.സുജിത് വിജയന്പിള്ള എം.എല്.എ അധ്യക്ഷനായി. സെമിനാറുകള് , ക്വിസ് മത്സരം, കരിയര് സ്റ്റാളുകള് എന്നിവ മേളയുടെ ആകര്ഷണമായി. കേരള നോളേജ് ഇക്കോണമി മിഷന്, കേരള അക്കാദമി ഫോര് സ്കില് എക്സല്ലന്സ്, ഒഡെപെക് , കെ-ഡിസ്ക്, ടെക്നോപാര്ക്, നോര്ക്കറൂട്ട്സ്, 15 ല് അധികം നൈപുണ്യ വികസന സ്ഥാപനങ്ങളുടെ സ്റ്റാളുകള് എന്നിവ മേളയുടെ ഭാഗമായി. ജില്ലാ ഭരണകൂടവും കുടുംബശ്രീ ജില്ലാ മിഷനും ചേര്ന്നണ് മേള സംഘടിപ്പിച്ചത്. ജില്ലാ പഞ്ചായത്ത് പ്രസിഡന്റ് ഡോ.പി.കെ. ഗോപന്, ചവറ ബ്ലോക്ക് പഞ്ചായത്ത് പ്രസിഡന്റ് സന്തോഷ് തുപ്പാശ്ശേരി , ജില്ലാ കലകട്ര് എന്.ദേവിദാസ്, സബ് കലക്ടര് നിഷാന്ത് സിഹാര, കേരള നോളേജ് ഇക്കോണമി മിഷന് ഡയറക്ടര് ഡോ.പി.എസ്.ശ്രീകല, കേരള അക്കാദമി ഫോര് സ്കില് എക്സല്ലന്സ് സി.ഇ.ഒ ടി.വി.വിനോദ് , കുടുംബശ്രീ ജില്ലാ മിഷന് കോ ഓര്ഡിനേറ്റര് ആര്. വിമല് ചന്ദ്രന് തുടങ്ങിയവര് പങ്കെടുത്തു.
ഭാര്യയെ ആക്രമിച്ച് പരിക്കേല്പ്പിച്ച പ്രതി പോലീസിന്റെ പിടിയിലായി. കൊല്ലം, മതിലില്, കല്ലുകട പുതുവല്, രാജന് മകന് ടൈറ്റസ് (38) ആണ്…
പ്രായപൂര്ത്തിയാകാത്ത പെണ്കുട്ടിയെ പ്രണയം നടിച്ച് പീഡിപ്പിച്ച് ഗര്ഭിണിയാക്കിയ പ്രതി പോലീസിന്റെ പിടിയിലായി. മുണ്ടയ്ക്കല്, പാപനാശം, ശാന്തിനിലയം വീട്ടില് ജോയി മകന്…
തിരുവനന്തപുരം: നവജാത ശിശുവിന്റെ മൃതദേഹം പുരയിടത്തില് കുഴിച്ചിട്ട നിലയില്. പോത്തന്കോട് വാവരയമ്പലത്താണ് സംഭവം. നേപ്പാള് സ്വദേശിയായ അമൃതയാണ് പ്രസവ ശേഷം…
കൊല്ലം: കളക്ടറേറ്റ് ബോംബ് സ്ഫോടനക്കേസില് വാദം പൂര്ത്തിയായി. ഈ മാസം 29ന് വിധി പറയും. നിരോധിത തീവ്രവാദ സംഘടനയായ ബേസ്മൂവ്മെന്റ്…
പാലക്കാട്:പാലക്കാട് ശോഭ സുരേന്ദ്രൻ ബി ജെ പി സ്ഥാനാര്ത്ഥിയാകും. ദേശീയ നേതൃത്വത്തിന്റെ പിന്തുണ ഉള്ള ശോഭ സുരേന്ദ്രന് തന്നെ പാലക്കാട്…
തിരുവനന്തപുരം: സിപിഎമ്മിനെ വിമർശിച്ച് മുൻ മന്ത്രി ജി സുധാകരന്റെ കവിത. ബംഗാളിൽ പാർട്ടി നശിച്ചത് ബുദ്ധദേവ ഭട്ടാചാര്യയുടെ തെറ്റായ നയങ്ങൾകൊണ്ട്.…